بانتظارك خلصّت عمري انتظار...
عاشرت ليل المحطة...وارتجي ايجيبك قطار
...والقطار ....
لو يحب مثلي وتشبّ بضلوعه نار...
يسرع ابمشيه ويجيبك بالفجر ...كبل النهار...
ولو تعبني انتظارك...شارك العمر ابسنينه..
اهواي كالوا: ما يجيك ...
وكلبي جاوبهم: يجينّه...
ناشدت كل روجة عنك...
كل جرف كحلت عينه...
واسألت كل الشواطي...بلكت اتجيبك سفينه...
ولا سفينه ولا قطار...خلصّت عمري انتظار..
لا قطار ولا سفينه....وانه والليل بأمل جيّتك بقينه...
طيح يا دمع النده وكطّر بدينه...
إحنه ليليه انتلاكه...
نسهر آنه وياك يا ليل المدينه...
آنه عيني عالمحطه ...وانته عينك عالنهار...
خلصّت عمري انتظار...
راقت لي
رد مع اقتباس
