اسمك عالــــصدر سجلته عنــواني
حسيـــــني وافــــتخر بالتـسميه اني
ـــــــــــــــــــــــــ ـــــــــــــــــــــــــ ـــ
وسام حسين اســمه وحقي افخر بيه .. مــن زغري اليـــــه والدي مــخليه
وصه امــي ويگــــلهه خادم اتسميه .. لــبو اليمه ورجع والنوب وصــاني
ـــــــــــــــــــــــــ ـــــــــــــــــــــــــ ــــــــــ
وصاني اعلــه حبه وبيـــن اســـبابه .. وگـــــال حسين باب الاخـــره بـابه
ظـــل للـتالي وي حســــين يايــابـه .. وصيه ورددتهــه سنـــين بالســـاني
ـــــــــــــــــــــــــ ـــــــــــــــــــــــــ ـــ
اعلى حب حسين انه اترعرعت وربيت .. ما اعرف شخص غــــيره ولا حبـــــيت
يعــيش بنــــص كريات الدمه حســـــيت .. وحروف اسمه تره انكـــتبت بشـــرياني
ـــــــــــــــــــــــــ ـــــــــــــــــــــــــ ـــــ
حـــسيني وافتخر لحــــسين انه تابـع .. نعم اخضع اله والـــغيره ما خاضـع
لا لتلوم حـــــبه بالگــــلب طــــــابع .. عشگته وهالعشك مالكلــي وجـــداني
ـــــــــــــــــــــــــ ـــــــــــــــــــــــ
عشگت حسين من زغري وعشت وياه .. وحفظت اسمه قصيده ورددت معــــناه
انه الــــحد الذبح لحــــسين ما انــــساه .. ولا هـوه حبـــــيبي شـــــلون ينـــساني
ـــــــــــــــــــــــــ ـــــــــــــــــــــــــ ـــ
خادم بس الك والخـــدمه الي عـــنوان ..وكل خادم بلاشـك ينــــــذل وينــــهان
بس خدامك انتــــه معـــتليهه الــــشان .. وهالخدمه وسامي وصــــار نيشـــاني
ـــــــــــــــــــــــــ ـــــــــــــــــــــــــ ـ
بخــدمتـك انه اتنــــومـس ولا نـــادم .. اتشرف صــــرت يحـسين الك خادم
تحســدني بخدمـــتك اغلــب الـــوادم ..عزه وهـــيبه اسمك سيـــدي انــطاني
ـــــــــــــــــــــــــ ــــــــــــــــــــــــ
اظل يحسين انوح واجـــذب الحـسره .. وتــــظل نيرانــــي في دلالي مســتعره
انوح عليك مرمي بقيـــت عالــغبـــره .. والــهــذا السـبـــب مســـتعره نيــــراني
ـــــــــــــــــــــــــ ـــــــــــــــــــــــــ ــ
ظـــل انـــعاك ما دام النــــفس بيه .. واذوبن لو يمـــرني حســين طاريه
يبو اليمه عليـــك ظـــلوعي مـحنيه .. ومصابك بالحزن والــنوح رسـاني
ـــــــــــــــــــــــــ ـــــــــــــــــــــــــ ـــــ
تظـــل عـيني الك تجري مدامعــهه .. لـــحد المــــوت مـــارايد يشايــــعه
اذا هــالدنيه كلــهه انــــته فاجـــعهه .. وذكـرك يا حبيبي ادمـــوم بچـــاني
منقووول
رد مع اقتباس
المشاركة الأصلية كتبت بواسطة منير العادلي
