لچمني الماله عرّفه بروحي وندلك
وامس مريت
بالبردي ونشد عنك
امس شديت ترچية وعلگ بالهور
بلكي يصح خبر منك
و نشدني الهور
يا لمالك ونس ليش اتغناها
چلمتك عافية وتنور
اذا ماتنسمع شيفيد معناها
شكو ينّسام يرخص
عيب
شلون ادفع ثمن لحضات عشناها
كون بروح سعر الزين
والله افداك
تاليت اليلّم ايامة يحصد بين
ولو ادري الحلم ينباگ چا خميتك بكل عين
گالولي
گالولي الصبر مفتاح بس الباب حسبة وين
دليني
بخ ضلمة روازيني
وانه الضليت
اخم بالمدري خاف الگة الينسيني
اخاف انسة واهيم اعليك
وطفي شموعي واندهلك
درب غربة
وغزل ماحصلالة رسوم
بيني وبيني خطوة لوم
لوما بالحلم تخدير ماعشنة لهذا اليوم
واغفرلي
الحلم ساعات يتبدة
اغفرلي
القدر لو راد انه وياك مو گدة
ولا گدة
الحلم عوچية للفقرة
ونذرت البيه مرجوحة لزلف سمرة
فطير الغيم يحجي السالفة بعمرة
ها يالكاع
تحلة شما تهل روحي
اي مو ناي
والرعيان عاشت دوم بجروحي
ليش انباع
او ولا حنه بضفيرة التشتهيني اشراع
بس درب الغريب الضاگ جدمي امتاع
اتيهك والدرب يندل
عطر نعناع
شني ذنب الشمس دارت وجهه الكاع
ليش تلوم
شما تزرع وجع بالروح اخضرلك قصيدة و آه
وشچم آه رازونة
وشچم طيف ضاع وضاعت عيونه
وهذاك انت ولا ملك
منقووول
رد مع اقتباس
المشاركة الأصلية كتبت بواسطة النقيب
