سفر نم نم دبيب الماي بزياكك
والكرنفل كرص يم عنبر رياكك
وقوافل للنده اتانيني هدت ريج
ولبريسم حدر فيه كطايه ابليس ...تومي الصحوه اجفوفي
وهلب خوخ ايتلامع ماي يتغاوى بخلك شوفي
حدر شمام شفته البرزخ اكبالي
وخاف انزل وضوك النار تحلالي
وخاف اشهك وكول افيييش ...يطلع صوتي مو مالي
وخاف اكرب يبنت الناس وتحاسب
ترى الكهرب بلايه اجفوف ماينشم
وترى ابنادم يصير انسان من يحلم
وترى الناب البرز للشفه فارغ صيت
ماينهاب لو ما الزم
ياقندول بس عاين لهاتي وشوف
ترى الحنضل بناله اعشوش
ينساوه فحل جمار ...يالسموك فرخ التوت
رسول الاااخ جاب اخر رساله ضوك ..جان ابليس منتضره
وصلينه اعلى نيه الليل والنجمات وتوضينه بنده الحمره
وصحتلك يافهاوه ليش لاتندار ...تكره روحهه الكمره
ومدري اشلون اجيت ابلا وعي اشتمك
نسيت اشاااه تندل روحي بس يمك
تنين الماي اللمك بيش يامدهور...حضن ناعور ما لمك
ريج الماغفه بزيج الكفر ينجاس...حرام حلوكنه اتبلعه
ياثامن سمه السواك مامجبور يخلق كبلك السبعه
وتسامرنه وحجينه الاااااه والمو اااااااه
وحمدنه الله اعلى هذا التين جي سواه......
منقووول