من دمعي هدل جفن التصابير
وتعذر ليلي من فجر التباشير
وطن انه وصفيت بنار محروگ
نار الطائفيه ونار تكفير
نار اتحيط بالوادم و الاطفال
وكل ساعه يدك الباب تفجير
كل ساعه الورد من ايدي ايروح
واشوف انه مواقف دون تفسير
اشوف انه الشمر يتهدد ابنار
يريد الغاضريه الثانيه اتصير
يريد احسين يرجع ثاني مذبوح
ويريد الخيل فوگ اظلوعه اتغير
يريد اتعود زينب ثاني للشام
مسبيه ولوالي اهل البغي اتسير
يريد الرايه ما تثبت ياعباس
ويريد الجود بيه اسهام تكفير
يريد العفلقيه اتكص الارگاب
ويريد اسبايكر للشيعه تحذير....
منقووول