كلشي بعيونك نشوف دمعتك راية و چفوف حسرتك آه السبيه يا عليل الغاصريه
**********
يا عليل الما يهود علة الا الونين
يا عيون المنها طاحت ع الوجن رايه و ايدين
حيرة يا مولى شنگلك انت زين العابدين
لو نگلك يا بو فاضل لو ننادي يا حسين
انت خيمة من الطفوف ليلة رهبه و كلها خوف
لاذت بسدها رقيه يا عليل الغاضريه
**********
انت اخر خيمة ضلت من بعد حرگ الخيام
رتلت بيها العقيلة كوني بردا و سلام
انت احضان الوديعه الفزعت بذاك الظلام
تكابر بدامي ضلها همها ايتام الامام
بليلة ما بيها كفيل شافتك ملفى الدخيل
نادتك حامي الحميه يا عليل الغاضريه
***********
ياعلي بعينك نناظر كل جسد دامي و صريع
ياعلي كل دمعة تجري بيها دم من الرضيع
انت يا آه السبيه و منحر حسين الگطيع
و انت أحزانك يتامي حاشك ايتامك تضيع
تتبع الدم و تنوح و نتك ونت جروح
ونتك تنزف رزية يا عليل الغاضريه
***********
انت من تمشي مخيم تارك اثارك رماد
و انت كلك نور لكن دمعتك تنزل سواد
من تون آه يا رقيه تترك الدنيا بحداد
من تصيح آه يالسبيه ايطيحن السبع الشداد
كلشي وي دمعك يطيح الا خدر اخت الذبيح
هاشمي و روحك آبيه يا عليل الغاضريه
***********
خاطيء التاريخ لمن قيد اسباب الوفاة
انت مو بالسم منيتك أسر عماتك ممات
انت مذبوح المدامع و العيون الباكيات
من شفت زينب سبيه و الچفوف مگيدات
و الهزل لمن تميل شتترك بروح العليل
هذي أسباب المنية يا عليل الغاضريه
***********
كلمات : علي العابدي النجفي .
للرادود : أحمد الباوي .
*********
طبعت بأنامل العبد المذنب علاء 3laa
للإستماع للطميه ع الرابط التالي
https://www.dorar-aliraq.net/showthread.php?t=585640
رد مع اقتباس
