يالمهدي انظلمنه وطال الغياب
بلكت لوشفتهن تفتح الباب
الهجر يذبح ذبح موبس السيوف
أشكد أسنين هجرك كطعن اركاب
وصرنه أخلاف عينك شجرة بالجول
وحيدة وحدر فيّهه اينام حطاب
الجروح المايطيبن صارن اهواي
ماينحسبن اكثر من الحساب
وسكتنه اعلى الظلم بس حكمه مو خوف
مثل سكتة السيف ابحلك الكراب
نتاني الياوكت ماينتهي الجور
اليكلك راح نخلص كلّه جذاب
الوضع نفس الوضع يتغير اشلون
مدام الحمزة ميت وحشي ماتاب
ماجنّك رسايل نصف شعبان
اعلى شكل شموع بالشط كلهن أعتاب
النار العالشمع من نار الفراك
وهيج اكلوبنه اشلون الشمع ذاب
يالوجهك شمس معقوله الغيوم
تخلي ابينه ومابينك حجاب
أمبارك بالحلم مر زور العيون
ولو من عدنه طارت حتى الاحلام
أذا زينب أبنصهن يغفن أشلون
العين البيها زينب تكدر اتنام
اشوفك جرح زينب بلكت اتعود
عندك طاقه تحمل ذيج الالام
بعدهي بكربله وماتت الحوراء
ياهو الكال وصلت عدله للشام
زينب خجل ماتت عكب عباس
عيون الناس ماينحسبن اسهام
تعال الكربلاء الأصل الجروح
جروح البينه كلهن جوّه الجدام
* منقول ...راق لي *
رد مع اقتباس
المشاركة الأصلية كتبت بواسطة Murtadha AL-hilfy
