قبل ساعة رحيلي اريد اشكر كفيلي
و اقبل چفه و اجريله لجله دمعه
بهضم للغالي اشكيله و أودعه
********
مصاب العاشر اليفجع مصاب الهادي و العتره
تگطع منه دلالي شفت چم غالي ع الغبرة
مرت بيهم اضعوتي قرت اهمل دمه العبرة
گصدت احسين ودعته بألم شميته من نحره
جرى دمع المصيبه ع الشيبه الخضيبه
ذبيح و چن يون روحي تسمعه
بهضم للغالي اشكيله و اودعه
*********
صحت ريت اكصد الكافل قبل لا نمشي للكوفه
اودعه كون من ارحل روحي رايده اتشوفه
و في بالشده وفاني واجب اجزي معروفه
اشكره و احچي بفضاله و اقبل هامه و اچفوفه
يضل نوره بسمائي ابو فاضل رجائي
كفيلي و حالي للكافل يفجعه
بهضم للغالي اشيكيله و اودعه
***********
كون ايقى بكتر جسمه و اكضي بكربلا ايامي
و اكعد و اذكر الخوه دليلي لخوته ضامي
بلچن يمه من أبقى يهود حزني و ألامي
ما غايب تمنيته ينشف مدمعي الهامي
رحل بدر الليالي حزن فكده البگالي
بسفر ريته و له فد يوم رجعه
بهضم للغالي اشكيله و أودعه
********
ساعة ردت اضل يمه اسولفله دمع من دم
اگلك جيش ابن هند خويه اعلى اليتامى التم
و علينا حرگوا إخيمنا چوتني نار الخيم
من صوت الشمر قلبي تصدع خوبه و اتألم
ترك سوطه علامه على اظهور اليتامى
يا خويه هذا ضعنك شوف وضعه
بهضم للغالي اشكيله و اودعه
********
ما ترضى رقيه تهد و انت و الدمع يجري
يبو فاضل شسولفلك بيه شصار ما تدري
تدوركم تناشدكم شگلها اتحيرت بأمري
يا غالي من گبل يومك تمنيته ختم عمري
غبت من النوايب شفت بالطف عجايب
و رد و اخوتي على الغبرة صرعه
***********
قبل ساعة رحيلي .
الرادود : حمد الكربلائي .
كلمات : حيدر كريم الكربلائي .
************
طبعت بأنامل العبد المذنب علاء3laa
رد مع اقتباس
