رسالة رجل الى ابنه الشهيد , شهيد الحشد , شهداء الحشد الشعبي 2015 , 2016 حصريا الى منتديات درر العراق
الى ولدي الشهيد اهدي هذا القليل
يالعزيز الهاجرت وبلا وداع امشيت سكته
لا تعانكنه وبجينه ولا عطر روحك نشغته
جم جرح بجفاك خضر والدك تكتل حسرته
جانت ادموعي عزيزه ابفركتك رخصت دمعته
ذجرك ايمر اعله بالي وصوتك الدلال فَته
غيبتك تكتل يغالي البيت مظلم يوم عفته
لاضحك عكبك ضحكنه ولافرح بجفاك شفته
طافي بويه الدار موحش تبجي حيطانه وعتبته
وصرت اسولف ويه روحي مدوهن التكبر حسبته
امس جان اكبال عيني اشبلعجل ياموت شلته
جان تارس بيتي صوته وبذني ماراحت ضحكته
العربي لو باكو تفكته ايموت بس ايرد تفكته
وانته حصته اوفرهدوك شلون بالفرهدو حصته
يالعجيد الماركع للضيم عمره ولا ندة بالملكة كصته
حاوطوك اولاد اميه ولا خفت والدين بعته
ابحقد من حركو ارسومك واللهب ضكته وحملته
كفو ثلث انعام منك موت عز ابشرف نلته
ياعلي هذا ابني يمك ردته ويه احسين ردته
يا علي من صبر زينب صَبر امه وصَبر اخته
يا علي لبسني صَبرك كلبي ما بَطِلت ونته
يا علي شيعي ونخاك المثلي ماظن مثله عفته
يا علي مكسور خاطر وانته ابو الكلفات انته
استاذي الشاعر
احسان ثجيل الجوراني
2015/10/30
رد مع اقتباس
