هنا

[فقار الكرخي]

حاربوني اعله الهوه
وسوو حصار
وطالبوني اعبد حزبهم
كون تركع
كون تسجد
كون شيگلك سياسي
تگله صار
وعشت عيشه وماهي عيشه
لو تموت بجف سياسي
لو يموتك انفجار
ليمته احطن روحي چيمه
من خبزهم يطفه نار
يمته بيت لكل مواطن
نلگه ونعوف الاجار
دار دور
ليا وكت نقراهه گوه
والوطن ما جنه دار
جان بس ابنادم اليكبر يشيب
گامت اتشيب الزغار
وتاهت اعلينه السوالف
ياهو شرطي
ياهو سيد
ياهو بايگ
كلها تامر كلها تنهي
وكلهم اصحاب القرار
انه بس بنومي احلم
عدمو احلامي بسياسه
وكتبو اسبابي انتحار
ليمته ناس المو شريفه
نضن شريفه
والشريفه انگلها عار
شوكت يا حبر
الاصابع
ندري ما بيك افتخار
شوكت نهدمها الكراسي
ونصرخ
بوجه الحكومه
ياحكومه الكرسي طار

علي كاظم الصبيحاوي

[جين]

جميل
شوكرا

[سمراء من قوم عيسى]

عاشت الايادي

[علي الشمري]

حلو حلو
وعاشت ايدك يا فقار

[نصرالدين البلداوي]

جميلة جدا
شكرا لك

[فقار الكرخي]

منورين