الى سيدي ومولاي قمر العشيرة
ابا الفضل العباس سلام الله عليه
الماي للعباس سلم شي أكيد
منهو كَال عالفحل بالطف كَدر
الماي للعباس سلم شي أكيد
منهو كَال عالفحل بالطف كَدر
جربتة بشكل السمه تلم الغيوم
لو يقرر عالخيم تمطر مطر
بس اللآهك راد بصمة بكربلاء
كَطع اجفوفة عالشاطي وصبر
من يهد حتى العطش يصرخ دخيل
بحافر احصانه الهوى يدور مفر
تظكَبر الحومة الشمس تلبس سواد
الكَاع ظلمة تشوفها وطالع كَمر
تظكَبر الحومة الشمس تلبس سواد
الكَاع ظلمة تشوفها وطالع كَمر
من مشييته أطخ كصص حتى الأسوود
شما تجدم صوبها تضيع البصر
زلمة كلمن كَال من عباس أخاف
زلمة كلمن كَال من عباس أخاف
يدري موت وينتهي بجلمة أختصر
من يشد روس الزلم تنسى الجتاف
ومن كثر دم الركَب يطلع نهر
من يشد روس الزلم تنسى الجتاف
ومن كثر دم الركَب يطلع نهر
بسيفه اوصفك حيدره الداع اليهود
سيفه بس موت الحمر لوهد عصر
الماي كَدام الكَمر ذب مستحاه
وكرر أبن العاص يم فارس مضر
لهاي نزل رايته بشط الفرات
وذبها عالماي النزع جرفه وستر
زينب وتنخى الكَمر لا مستحيل
زينب وتنخى الكَمر لا مستحيل
حاشا عباس بكلام اخته وكسر
يوم كَالت ماي أريدن يا أخوي
مو كَلب عباس لا جوده أنفطر
مطمأن كَلب الأخو يروي الخوات
يجيب ماي الهن ولو تحت الصخر
عودة شرب جيش يم أبن المسيح
و روه كل عطشان وأستر النظر
شنهي صعبه تصير بجفوف الكفيل
رجال عالشاطب عصا وسيف وحجر
حجاية منطي زينب ويوفي الوعود
كَلهه أجيبنه وحكَـ سيد البشر
لو أخلي الشط الج زينب ذليل
لو تشوفين بفخر منطي النحر
آنه نسخه لحيدره الكرار ابوج
وسيفه بركَاب الزلم موت الحَمر
راح أخطلج خط أنه بسف واصيح
راح أخطلج خط أنه بسف واصيح
هذا خط أحمر رجل كلمن عبر
وأرد أشوف بالله هم تاجت رجال
وقابل يهجمون حتى من الظهر
بيدي ملج الموت خطاف الرواح
العدة خط السيف توهدن وأنتحر
عالنهر عالنهر شاتل زلم وبلايه رووس
وكاتب بدمهم هنا يوجد خطر
من هنا ممنوع للشاطي العبور
وكلمن تعده أنتهى وراسه ....
وكلمن تعده أنتهى وراسه ....
** تحياتي **
رد مع اقتباس
المشاركة الأصلية كتبت بواسطة حـــلاة الـــروح
