هنا

[العـ عقيل ـراقي]

دفتر تكلب بيه كلبي
ودومــــك تعبر سطر
مبتدأ اكلك ياحلو المعشر
ودوم أفعالك خبر
ودوم انه وياك راسب
وبصفحتي لفت نظر
شمتحن بيك وماتنقري
وعرفتك دهر
عرفتك تريد ترفع بيه واتجزم
وروحي تكسر
وابد ما مر عالبالك تحط نقطة
وتضمني بعصر
دوم خايف من افعالي
وافعالك علي بس بأمر
ماتعرف فعلي مكسور بخطيتك
وفعلك وياي ابغدر
ويامة كتبتك بقصيدة
وتالي ابغرامك ضيعت الشعر
سطعش هنه من البحور
ومن وصلك السيبويه تحير
لاانته من بحر الخفيف واكتبك
ولاانه من بحر وافر
حيرتني ببحور عشكك
وشنظم بيك وانته احله شعر


29/10/2015
الـ عقيل ـراقي

[علي الشمري]

كلمات جميله
ولكن توجد فيها زواحف كثيره
دمت بالف خير وتمنياتي لك بمستقبل اجمل
وابيات اروع