يا هية الأحبها تروح من عندي!..
بية من الگبر نيشان
لازم أندفن وحدي!..
لازم ابچي بس وحدي..
لازم كلشي بس وحدي..
ولا چفية وردية
التّنشّف دمعّتي بخّدي..
ما رايد دفو العرسان
مو طماع..
بس نظرة عشگ تكفيني
كل عمري أنه شعدي؟!..
ولاچني..
العشّگت الناس حدما چودروا بية..
ولاچن بصفّار عيوني
صابغ ألف ترجية..
عشگت عيون چانت والله ما تنشاف
وذبت حسرة وحنين لناس منسية..
وجه الخوف ما يراد..
بس هو شحلاتة يصير
لو خايف على بنية!!
حتى الموت من تعشگ سواليفة
يصير النعش دمعة بعين بدوية..
رد مع اقتباس
المشاركة الأصلية كتبت بواسطة اميرة بلا قصر
