أذا تحبوني.
أذا تريدوني..
من أفكاري خلصوني..
من صفناتي خلصوني..
من سنيني خلصوني
من دمعاتي وعيوني..
من نفسي
التشوف الدنيا بس ظنون..
اتمنى اعيش براس
ما بي عقل
بس عيون!!
اتمنى العمر شباچ..
حتى انفض ترابة الترس وجداني..
يهنيالة الغبي المرتاح
ما يسأل ولا يحتار و يعاني..
احسد حايط الجيران..
يدري العمر شجرة وباب ميتاني..
احسد كل بشر عندة بشر ثاني!!
احسد كل طفل لو بالگبر ينجاب.
أحسد كل بشر تاليتة صم تراب..
احسد كل ضوه من يموت بالسرادب..
اتمنى بنعاوي الموت لو دمعة..
اتمنى اصير بأي عرس شمعة..
اتمنى اذوب بشفة التنّعة..
أتمنى ولو بسمار بالتابوت..
لو شعرة بضفيرة أمي المفرّعة..
رد مع اقتباس
المشاركة الأصلية كتبت بواسطة عمار حسين
