ياحامي الدخيل وحاضر الشدات ياستر الفواطم من حديت البل
ياسيف اليحد بضروسة ملج الموت يا صرر على العدوان دوم يحل
يارمح اليغرس بالكلوب غروز ومن يزرك شبيه الصل ومثل الينفخ بالصور بالميدان محرك ساعت اليصهل
يا صكر الشجاعة اليشك وجه الغيم وبالحومة اعلى هامات الرجال يجل ياشجاي من يكصدك عليك ادخيل
ياحلال هم الطايح ابمشكل كورنا العتاب وليك وجهنا الوجوه بدمعت التهمل ياحيدر طبع صبر الغريب يشيب ويكتل
واهون ياعلي والله من كاس المذله اعلى العزيز يصير كاس السل ولا عركت جبينه اطيح ويبيع الكرامه بذل
ياحيدر ابكاع الضيم ماينفع شتلنه شكثر مانشتل يا ابوحسين شو بس العراقين متحملين بهموم الزمان الضالم تحمل
ومن دون الخلك جاليش مضلومين وعليهم عذاب الوكت مستفحل ترسو يا علي البلدان وشبعو قهر وتبهذل
وما واحد البيهم كلبه مامجروح وبهمة العراق ينعثل اتنعثل هذوله الكبل ماجانت مضايفهم ترد الكاصد المجبل
ولابيهم كبل واحد يعرف الخوف وهسة السبع بيهم ياوسافه يخاف يرجف من يشوف الضل
يا ابو حسين هاي الليله جم مضلوم شك زيجه وتوجه ليك متهدل يكلك ياعلي بيايوم يلتم شمل موطنة وحزنه يفل
ياحيد وناس اليدعون بحالنا يهمون غربلناهم تغربل بيهم مالكينه المخلص الوفاي وبصبح العراق يجود يرتل
غيرك ياعلي محد يخلصنة وياهو مثل عدلك ياعلي يعدل نترجاك يا ابوحسين يايوم الغريب يعود وهلال الفرج بارض العراق يهل
طالت ياعلي وماضل بعد كل حيل اخاف النفس بصعد بعد ماينزل ...
** الشاعرسيدسعيد الصافي **
رد مع اقتباس