إشهدوله إشهدوله ائمة اتلاثه يدعوله
عباية زينب الدين **عباية زينب الدين
رفع رايه كسر رايه رفع سبعه خسف سبعه
شمر سبعة اعلى سبعين
يبو فاضل يا عباس**يبو فاضل يا عباس
*************
كتاب الله نطق بسم الجلاله اله حجاهه
خدر زينب نبي و رايد كفاله قراره اشاره
كفيله واحد و ماكو ابدالهخ يعرفه يوصفه
اخويه اليرعب القوم بخياله **قمرنه ذخرنه
ابو الكلفه ابو الكلفه **يسد عين الشمس جفه
يزينب لا تحشمين غضب يلهب غضب يلهب
اعرف اطباعه من يغضب شمر سبعة اعلى سبعين
****************
اول منولد زينب اجت ليه تظمه تشمه
تخلي المعصب اگباله و تلوليه تعلمه تحشمه
كسر كاروك من كامت تناغيه تكفل تمرجل
تبوس ايده و ابو الغيره تسميه كفيلي خليلي اعلى ريحتها اعلى ريحتها تغطيه بعابيتها
يبت حيدر تدرسيه يبت حيدر تدرسيه
عرف درسه عرف درسه تعالي و عايني هسه
شمر سبعة اعلى سبعين
************
اذا لفظو اسم زينب يزاعل يدندم يغيم
و اذا ينفض اهدومه اتشم مراجل اهلها فحلها
بحر غيره و لا يرهمله ساحل يهدمه يعدمه
على ظهر المهر و تشوفه راجل براعه ارتفاعه
تخط رجله تخط رجله على مهره و تخط رجله
هواشم دوم عالين
كشف صدره نفخ جمره تبختر و الهوه بظهره شمر سبعه اعلى سبعين
************
اموت و اعرف شكالتله اخته تحير تغير
طلع يتراعد و تجدح جبهته يكبر يحذّر
اظن كالتله هذا الما حسبته غريبه سليبه
خفت من جيشهم لمن نظرته فوارس اشاوس
طفح زوده طفح زوده تلوه الرمح بزنوده
على بختج تخافين
هلا بچفه هلا بچفه اذا بتاره ما كفه
شمر سبعة اعلى سبعين
************
نفذ صبره و على السبعين نوّه يشلهم يذلهم
طلب رخصه و اجه خجلان هوَّ رغبها طلبها
يگول حسين يا راعي المروة اخيه حميه
الك روحي العزيزة فدوه فدوه يوقره يقدره
اخذ رخصه اخذ رخصه جبل ما يعثر إبنَصه
انخلق من غيره مو طين 2
و لا مهرب و لا مهرب خيول اعلى الزلم تركب
شمر سبعه اعلى سبعين
*************
انا الجندي و حدود الله المخيم احامي خيامي
لخلي كربلا طوفان من دم اعاقب اراقب
اليحاول يقترب يم حدنه يندم اجيله يوله
وحگ زينب اراويكم جهنم مسعره مشجره
لتندالي لتندالي انا افرك كل خشم عالي
هجم ينثر براكين
اجه بكيفه اخذ حيفه يسلطن من يسل سيفه
شمر سبعه اعلى سبعين
***********
اشهدوله اشهدوله .
للشاعر : عبد الخالق المحنه .
اداء : الملا باسم الكربلائي .
قرأت بحسينيه داود العاشور ليلة محرم ١٤٣٧هـ .
*********
طبعت بأنامل العبد المذنب علاء .
رد مع اقتباس
المشاركة الأصلية كتبت بواسطة NOonAa
