من يخيروني بيت الأثنين
ما بين الجنان و مجلس حسين
اركض جني عابس و اختار المجالس
من يخيروني**من يخيروني
***************
بأول سنين العمر بيه اسمك من يمر
ابجي و الكاك ابدمعتي من اريدك
هيمتني محبتك**شرفتني خدمتك
و الشرف تحسبيني واحد من عبيدك
جننتني بهالـعشكـ ** حتى قلبي من يدكـ
لطمته تلطم على كطعت وريدك
ابروحي شايل كربلا** ابعيني سبي العائلة
ما نسيت اضلوعك و لا خنصر ايدك
انا من الطفوله بقلبي عاشور
ياحسين لخدمتك عمري منذور
مهاجر كـ النوارس ** اختار المجالس
من يخروني ** من يخروني
***************
امي لولتني نعي و حلفتني بمرضعي
ابداعتي لا تنسى الحسين و مصابه
و انا كلتي ادللي يمه و عمامة علي
راح اضل لأخر نفس خادم ترابه
اتقلي من تشرب عذب**يبني من بعد الشرب
سلم اعلى حسين و اتذكر خضابه
من تطب المنزلك و طفلتك تستقبلك
اذكر بنيته رقية بالخرابه
و امي تكلي اريدك خادم
تكون لا تترك مسيرة عابس و جون
بهالخدمه منافس** و اختار المجالس
من يخيروني**من يخيروني
*************
نحرك بعيني انرسم بقلبي نيران الخيم
حزنك الذبل ورد عمري و ربيعه
و اعرفت معنى الأخو شوكة بعيون العدو
يوم شفتك منحني فوق الشريعة
من صحت فوكـ النهريا قمر ضهري انكسر
و الطمت وجهك بجفينه الكطيعه
و ارجعت صوب الخيم لا اخيي و لا علم
ابوجهك الحيرة شتسولف للوديعه
اشما انظر نهر الكاك موجود
شايل بيدك الجفين و الجود
للغيرة مدارس و اختار المجالس
****************
مجلس الحسين 1437
للشاعر : كرار حسين الكربلائي .اداء : أحمد الباوي .
طبعت بأنامل العبد المذنب علاء 3laa
رد مع اقتباس
المشاركة الأصلية كتبت بواسطة حـــلاة الـــروح
