السيد : عبد الخالق المحنه
*************************
صاحت اخت القمر من اجه المنتظر
لوانا **آمانه** ينتظر ع النهر
********************
هذا ابو صالح اجه يم الغريبه
من وصل للشام ما بطل نحيبه
عظم الباري اجرنا بـــ هالمصيبه
عمة يا زينب ترى الطلعة قريبه
هيه و ابن الحسن التقوا بالصحن
تخبره** تذكره ** يالثار النحر
*******************
عمه يالمهدي اسولفك مصايب
و اني بالطف و الهج بأسمك يغيايب
من ابو اليمه وكع شفت العجايب
لا أهل ضلت و لا ضلت كرايب
لو تشوف الخيم وجت إعلى الحرم
اجونه** ولونه** صحنه وين المفر
**************
من وكع من المهر جدك اجيته
شفته من دم جبهته يخضب لحيته
و انخمش قلب الشمر يمه لكيته
ادري بالعباس ميت بس نخيته
اني أم الخدر بس دفعني الشمر
دفعني **و صفعني**و انت عندك خبر
*************
من رفس صدره الشمر طاح اعلى ضهره
و اثنعش طبره عدل طبره اعلى طبره
و اتربع يا عمه فوكـ فوكـ صدره
يالمهدي من الكفه ضل يحز نحره
نحر أخويه انكطع و أني قلبي انشلع
تسلب**تعذب**حتى صبعه انبتر
****************
وجه ابن جوشن يا ابو صالح رعبني
سوطه بيده و واكف إكبالي يسبني
جنت احس متني وكع لمن ضربني
عمه نفذ غايته و بيده سلبني
كلي وين اخوتج من جرت دمعتج
سبيه**بيديه**الا اشبعج قهر
**********************
من عكب عباس ابو الغيره انولينه
هذي تاليها الشمر يحدي الضعينه
من ركبنه اعلى الهزل مجتوفه ادينه
و المصيبه الوادم تباوع علينه
و الحراي صعب تغفه يم القرب
سهاره **حياره** ما غفينه بسفر
***************
دخلت الديوان مو سهله عليه
اوكف اكبال العدو و مجتوفه اديه
لن يزيد ايصيح جيبولي السبيه
ها يا بت حيدر وكعتي ابين اديه
راسي اخويه بطشت و اني شفته و صحت
جرحني** ذبحني** و العصا اعلى الثغر
*******************
عمه يالمهدي متى تاخذلي ثاري
و تاخذ بثار البقى عالغبره عاري
اني انطر طلعتك ليلي و نهاري
وين ابو صالح اصيح و دمعي جاري
عمه ع المشرعة صارت الفاجعة
كفيلي**يا ويلي** من نخيته اعتذر
*****************
طبعت بأنامل العبد المذنب علاء3laa
رد مع اقتباس
المشاركة الأصلية كتبت بواسطة Haitham AL.Baghdady
