لا تحرك خيم راعي الخيم مو جود
ما يقبل بحرك خيام عايلته
لازم يرجع ومو شرط جايب ماي
يرجعلي واعرفه ما يعوف اخته
اذا رد للخيم يصعد وفر بالنار
جن مشهد نزوله السحب عايدته
وكع لا جذب
عباس عود يطيح
جا زود لبروحي منين جايبته
اكو لازم سبب اخره بس مو موت
بس شلون اذا بيه نفس ما معقول
ريحة حرك خيمه هناك واصلته
دخان الخيم لو واصل العباس
لهنا جان وصلت نار عاطفته
من يكلي عدل وانطيه عيوني اثنين
حتى اهدم بروحي العزه الناصبته
منو شايف كمر تارس عيون الليل
خله يكله زينب تره مناطرته
وانه راح انتظر عالتل
وافرش ذكرياتي وعمر عايشته
واسولفله الجره قد كان يا ما كان
فارس للشدايد جنت ذاخرته
اذا مر عالورد يمشي الفراش وياه
يبقى الورد وكوه الكاع لازمته
على ما كد رمز حريه تشعر بيه
عالركبه البلابل وشم راسمته
فارس صورته بكل امنيات الخيل
كل الخيل تحلم كون شايلته
هاكم دمعتي وكولوله زينب هاي
هاي البيرغ الهه لما منزلته
كلوله بعد ما للعيال اثار
بس رماد يلكه الخيم تاركته
خلص ضل خيمتي وغطاني ضل دخان
اجه وحده فزع ما محشمته
انه لو روحي تفزع هم اكلهه ارجوج
المو عباس يكعد ما مكلفته
ولهذا السبب كلوله بالعباس
زينب حلفت النه تكول عاذرته
رد مع اقتباس
