هنا

[اشواق تائهه]

السلام عليكم ورحمه الله وبركاته الشاعر الشهيد علي رشم مثال للرجوله والتضحيه والفداء من اجل وطنه استشهد العام الماضي وترك العشرات من محبيه لا بل الالاف ومكانه لا يزال محفور في قلوبهم ليومنا هدا خطر لي ان انقل لكم اجمل ما كتبته انامله وخطه قلمه واشعاره التي لا زالت ترن في ادني كلما سمعتها اكاد الا اتوقف عن البكاء ولكن لا استطيع ان اقول الا نعم البطل انت يا علي رشم


















للشاعر علي رشم
ذبلت ايامي وبعد ما بيه ليل
خلك ماكو بجفني يتلكه السهر
مر علي بمرورتك وانكتني حيل
اطيح من راسي محطات وسفر
حوبتك بيه ولبست الصحره ثوب
وماكو غيرك ينزل بروحي وفر
روح يبسني العطش سواني كاع
واني جنت اتبده بخيالك نهر
وين وجهك ورث بصدري هواك
وكمت بلدخان ادورلك اثر
ترس روحي الضباب وبينت وياك
كلي بروحك امشي وجرحي ما شفته
انه بلنسمه اعثر وانت قيس الحال
مو جدمي وراك خيالي ما شلته
واجي بواهس عذر وحروفي مني اطيح
واتبده على وجهك مستحه وسكته
وانخل غير وجهك واليطيح تراب
وانكتهم واهزهم بس تضل انت
رمح فركاك اجناني مسابك ويه الريح
ماقصرت تسلم بلنفس جبته
بس المحترك يفهم حجي الدخان
يعرف حرورته ويفهم سبب علته
مثل عاشك بغربه ومره وكت غروب
يفرفح من يمر طاري الهوه يموته
انه بخصر السنابل جم حلم ضميت
وطعم شبكت المنجل من رحت ضكته
الندى عمره مسافه ومن يطيح يموت
وانه بعمر النده وفجرك وصل وكته
اذا فوك الورد لو فوك صخره يطيح
ما تفرق بعد لو عمري طيحته
انه مبلل عشك يليبست ملكاك
رحت وخيال وجهك عيني حاضنته
واضفر بلخلك بلكت كصيبه يصير
وضوه جفوفك بصدرك الكاعه ضافرته
واغص بليل واكصر والمسافه اطول
واجي وتعثر عيوني بكل اثر عفته
واجي مغيم سهر يمك وانكط ليل
وطرت مو بلسمه لا بلحجي الكلته
وعكس خط الضوه روحك بروحه اطير
وعبرنه السابعه وجناحي ما درته
ولحد ثامن سمه وصلت الشهكه وياك
واسافر والتراب بجدمي ما دسته
ونكت ثيابي يمك جان بيهن غيم
من ثمن سمه للكاع وصلته
على غصن انتظارك ريح ما هديت
وزرعت الميل بيه وخضرت دكته
انت العلمتني شلون افك ذرعان
بلملكه الموادع ما تعلمته
من يكبر فراغك صدري جان يضيك
وانه البد بعطرك ما تنفسته
واكدر بلضوه بس ما رهم وياك
وعلى كد الشمس ملكاك فصلته
وافك نشاب صدري لكل سهم بي روح
واكفر بلحنين الما اجه بوكته
الترس راسي بغيابك ريحت البارود
ساتر والرصاص يخيط بكصته
طفه وجهي بخيالك لو بعد موجود
من نجمه على نجمه اليل ورثته
المطر يوكع مغمض والتراب يشوف
ما بللت وجهي وسافرت سكته
مو ما شفت وجهك ما شفت مكفاك
شمد ايدي وكفاف بعيني ما لحته
ينسمه وسافرت يم ناس مخنوكين
الهوه ضيك عليهم وانت كبرته
تعال اشلع الطين البي عرك ملكاك
بيا صحره نينك مشه قافلته
جبروك وطفيت واهسك وياي
كفرت بكلشي بعدك والعشك صنته
على برد العطش وتبده وجهك ماي
على كل حال كلبك روحي عاذرته
الله وياك كلبك روحي عاذرته
للرائع الشاعر علي رشم:r ose::ros e: :r ose::ros e: :r ose:
وداعا علي رشم

[سمراء البصرة]

والله علي رشم في قلوبنا تركنا فالجنه تليق به الله يرحمه

[عمار حسين]

الله يرحمة ويجعل مثواه الجنة

[اشواق تائهه]

[Jawad980]

الى رحمة الله يا شهيد
تركت كل شيء .. شباب .. ومال .. ومعجبين .. وترف
وذهبت لتلبية النداء .. حتى آخر نفس لديك
ذلك ليس َ بهين ياعلي ..
أنه بعين الله ..
والله أكرم الأكرمين ، كل الشكر لك هيام .. تقييم .

[د. حسن سعيد]

الله يرحم الشهيد البطل

[مالي ومال الناس]

رمح فركاك اجناني مسابك ويه الريح
ماقصرت تسلم بلنفس جبته
بس المحترك يفهم حجي الدخان
يعرف حرورته ويفهم سبب علته
مثل عاشك بغربه ومره وكت غروب
يفرفح من يمر طاري الهوه يموته
احسنتم النشر
الله يرحمه

[اشواق تائهه]

تخجل المناية لمن تموت
مامت عايش بكلوب العراقين
قاتلت بشهامة وغيرة يا ضرغام
حطمت بشجاعتك كل القوانين
شايل قلم تحارب بحروف واشعار
و من وصل حدهة شلت السجاجين
استغربو لعداء من شافوك بالميدان
اذا فزعو الشعراء خل نشرد شعدنة باقين

[علي الشمري]

علاوي ماننساك ابد .... علاوي ساكن بالروح

الله يرحمه بحق محمد وآل محمد