هنا

[adnan rasam]

ابوذيه في رثاء الحسين ع
يظل طبعي البجه بجفاك يرحن
لمن ذني اربن بهواك يرحن
عسى اسهام التي يحسين يرحن
لعد جسمك يبو السجاد بيه
..............
.بكلبي ماتمك ياحسين ينصاب
وذكرك من يمر الدمع ينصاب
وكلبي بدار كلبك ريت ينصاب
وخدي دون خدك على الوطية

*********

لولاك الفرض ياحسين ماتم
وحك جبدك المنه ثلث ماتم
الك بكلوبنا منصوب ماتم
نذكرك ياذبيح الغاضرية

************

يناعي لو شفت شيعة وسادة
اخبرهم بالجرى علينه وساده
حسين الرمل صايرله وساده
ثلاث تيام مرمي على الوطية

*************

المصايب بس علي سدن واجرن
ونار اشعلن بالدلال واجرن
وعليك ادموم دمع العين واجرن
وظل ثوب الـــحــــزن دايم علي

****************

زحف لينه يخويه الجيش وانساب
وماظل شرف عند القوم وانساب
انسبينه وابونا انشتم وانساب
وشبت بالخيم نيران اميه

***************
مهو لاجل الثواب ابجيت واجره
لاجن نار بصميم احشاي وجره
مصاب احسين ابد ماصار واجره
فرض كل يوم ننصبله عزيه

الــگــلب بـــالعزم صبــرته ومنته

وفرشته اعله الترب يـــمك ومنته

منته الكـافــــــل ظعـــوني ومنـــته

الجبتني وياك ليـــش اگــطعت بيه

* * *

اهمومي هموم فوگ الگلب منتل

وســــبّاح الـــدلـــيل إعــليك منــتل

گـــوم ارجــعــنه يـــا عباس منـتل

جبــتــــنه ويــاك لـرض الغاضريه

* * *

الـــدهر شتـــت شـــملنه بالظعينه

ودلـــيــلي سيـــوف اميه بالظعينه

وســافه الــشــمر يحدي بالضعينه

وابـــو فــاضـل عــلى الغبره رميه

* * *

يعــــباس اســتــمع عـتب ولا ماي

غـــريــبه وزادت ابفگدك ولا ماي

مهــجــنه بالعـطش تلهب ولا ماي

يخـــمد جـــمر لــوعتــــنه السريه

[بركان حبك ياعلي]

لا يجوز إرسال أو نشر ما هو غير ذي فائدة أو ذو فائدة قليلة (مثل تلك المواضيع التي تحتوي صورة واحدة او سطر واحد) أو غير مفهوم او في غير موضعه أو يكون محتواه مكررا أو يخالف الحقيقة او ما يكون عنوانه مخالفا لمحتواه أو يحتوي على أخطاء املائية ومطبعية كثيرة او يخالف قوانين الأقسام الخاصة إن وجدت، وهذا يشمل الردود غير المناسبة لمحتوى الموضوع.
شكرا لك اخي اتمنى المرات القادمة تنشر اكثر من ابوذيه انا عدلت الموضوع حتى ما ينحذف تحياتي