الى جبل الصبر(زينب عليها السلام)
ـــــــــــــــــــــــــ ـــــــــــــــــــــــــ ـــــــ
زينب آيه طلعت من ظهر قرآن..............وحسين اعلى راس الرمح رتلهه
ماسلبوا خدرها ابيوم عاشوراء...................ولا ذلت جذب من يكدر ايذلهه
حيدر امناها ابشارب العباس..........................وتصور مره وعباس كافلهه
من عينه ابد مانزلت الحوراء......................خلص عمره كله ابعينه شايلهه
بس ابكربلا نزلها من العين .......................يدري ابسهم عينه وخاف يكتلهه
ما صوبوا راسه ايجذب التاريخ...................هامت كمر هاشم ياهو يوصلهه
بس وجه الكمر يكشف خيال الناس....انخسف خاف اعلى زينب ينكشف ضلهه
الغيرة اتلبست كلهه ابجسم عباس......................لآن مالكت واحد غيره مثلهه
ماكفت عليهم كدروها اهواي................................ربك بيده للعباس فصلهه
تحزم بالشجاعه ابكربله العباس.......................وبس باوع ابعينه انذار دخلهه
صفهم بالسره وصاح اعلى سيفه اختار................ياركبه التعجبك حتى تاكلهه
فتح باب المنيه وصى عزائيل............................صور كله ماتلحك تسجلهه
امخضره اركابهم عالمشرعه وعباس.................مر بيهم خريف وكلهه ذبلهه
الجبال اتخاف من تسمع بسم عباس................ماي ابوجهه يوكف ياهو يعقلهه
تعنى المشرعه موقصده يشرب ماي............من دمهم شرب بس راد يوصلهه
لآن دولة اميه اعلى الشريعه اتصير..................رفع بيهه العلم عباس وحتلهه
رد مع اقتباس
