انت ما تعنيني ما أعوف حسيني
____________________
هذا دربي ما أعوفه و لا أبد للثاني
ما نسيت حسين لحظه ادري ما ينساني
اني من هاي الشعاير منهجي و عنواني
والله ما عوف الحبيب العايش بوجداني
هالعشكـ يكفيني ما أعوف حسيني
_____________________
عهدي يبقى كربلائي للحبيب الغالي
والله يا مجنون أضيعك من تصير إبالي
شمالك تعاديني و انت تخاف من إخيالي
و أنا عرفك مثل جدك شمر تطلع تالي
انت ما تمحيني ما أعوف حسيني
_____________________
حسين أغلى إنسان أشوفه أغلى من إعيوني
لا تجادل لا تعاند راح أضل بجنوني
حيدري و أهل الملامه خلهم إيلوموني
ابقى بسم حسين أسولف حتى لو ذبحوني
للذبح وديني ما اعوف حسيني
________________
احنه شيعه و نبقى شيعه ما تطيح الرايه
باچر انراويك باچر ثورة المشايه
بكل درب تلگانه ننصب للحسين اقرايه
تركض و تفزع مواكب غيرة الوفايه
و انا وفي بديني ما أعوف حسيني
___________________
هذا صوت الشرف هذا و لا بد تسمعونه
كيد كيدك يا يزيد حسين ما تمحونه
شوف چم عابس يحبه و بالعشكـ مجنونه
نمشي وي زينب و فنكم تمنعونه
رافضي تسميني ما اعوف حسيني
_______________
هذا عشگي إمن الطفوله و هايم بمحبوبي
ثوبي أسود ع الحسين و ما أغير ثوبي
ويه كلـ مشاي امشي و ما اتيه ادروبي
اعتني لدربه لمن اوصل يم شفيع إذنوبي
__________________
يتراب
شينوح الچان من الدمع يتراب
إلمن ناظره إعلى الدرب يتراب
شكثر ضميت اليه احباب يتراب
اشلون امشي و هم تحت الوطيه
والمني
انا بس المصايب والمني
و بسياط الشمو ضلت و إلمني
الصبر من كثر وني وال مني
غريبه و لا أخو ينشد عليه
__________________
للشاعر : عبد الخالق المحنه .
قرأت بحسينيه المرحوم داود العاشور ليلة ١٥محرم١٤٣٧هـ بصوت خادم الحسين الملا باسم الكربلائي (دامت بركاته)
__________________
طبعت بأنامل العبد المذنب علاء 3laa
رد مع اقتباس
