قصيدة تعال تعال مكتوبة
الشاعر السيد عبدالخالق المحنة
باسم الكربلائي
تعال تعال … ماترمش اعيونه الفگد غالي
تعال تعال … مثل الـ يمد ﭼفه ويرد خالي
چم تعال وجم دخيلك من عفتني
يال خدت كلشي ابرحيلك وماخدتني
ليش بجفوف نوايب سلمتني
خايف اعليه اموت وموتتني
عتاب عتاب .. اني البداية واصبحت تالي
تعال تعال .. مثل الـ يمد ﭼفه ويرد خالي
®®®
بويه اتعجب ليل تخلصه وحدك
وانت متعود اجي وأغفه اعله زندك
مااتعبك بالدرب بويه أوعدك
يعني تأخدني ولو خدام عندك
عذاب عذاب.. مايحمل أفراك سفر حالي
تعال تعال .. مثل الـ يمد ﭼفه ويرد خالي
®®®
بويه داري اخلاف زينب شلي بيها
جنت مثل الطير اشرب من اديها
اعليك ضلع امك اريد اتمر عليها
مدري ليش ابصفنتي اسمع بجيها
دموع دموع .. مثل الجمر من الجفن سالي
تعال تعال .. مثل الـ يمد ﭼفه ويرد خالي
®®®
مدري ليش اختي رقيه احمر جفنها
اتصورتها خايفه او مجروحه اذنها
بالحلم جنها تعيش ابلا وطنها
ابلايه جفينه ابو فاضل دفنها
يموت يموت .. المن يعيش اللي فگد والي
تعال تعال .. مثل الـ يمد ﭼفه ويرد خالي
®®®
بويه شو بالطيف جني ابگاع هيمه
او زينب اتصلي جلوس ابلايه خيمه
بويه والميمون يصهل ياهظيمه
واليتيمه اتلوذ بذيال اليتيمه
حسين حسين .. مهرك ينادي والدمع هالي
تعال تعال .. مثل الـ يمد ﭼفه ويرد خالي
®®®
بويه عبدالله يدوهني امن اشوفه
وضعه يرعبني وفز او بيه خوفه
يفتخ اگماطه اوشفت دم ابجفوفه
وانت ضامي والطفل ضامي تعوفه
وداع وداع .. وضع الطفل بويه شده بالي
تعال تعال .. مثل الـ يمد ﭼفه ويرد خالي
®®®
تالي ما تالي نعه ناعي الرزيه
قال الحسين انذبح بالغاضريه
تلعب الخيل اعله صدر ابن الزجيه
يا اهل يثرب تره زينب سبيه
يگول يگول .. راس الحبيب اعله الرمح عالي
تعال تعال .. مثل الـ يمد ﭼفه ويرد خالي
رد مع اقتباس
المشاركة الأصلية كتبت بواسطة ولاية علي
