يالتخدم أنا حسينك باچر انظر بعينك
امن أگللك تعال
گضيت العمر خادم يعني بهـ الوكت لازم
تدلل دلال تدلل دلال
############
دوم محزم و تخدم أشوفك
و تخدم ما درت بال لظروفك
اشلون اتريد اهدهن چفوفك
أعوف الدنيا كلها و ما اعوفك
اعرف انت تخدمني
و ما رايد أجر مني و ما رايد ثواب
لكن تعرف بطبعي خدامي تحت درعي
مايمسهم عذاب
##############
غيرك بالشته يم اهله دافي
و انت بموكبك تخدمني حافي
كالولك تعبت إهوايه كافي
كتلهم وقت رايد إضافي
و لو مر زاير إكبالك تاخذ لگمة اعيالك
و اتقدمله زاد
يالسموك مجنوني باچر انت بعيوني
لو صار المعاد
################
محرم من يمرك تنسى بيتك
غافي بموكبك يا ما لگيكتك
تگلي حسين عفت اهلي و اجيتك
اريد اخدم يا ابو اليمه نخيتك
تخدم صبح و ليلك لو شفته تعب حيلك
تخدم من جلوس
باچر كلي من مثلك سكان السما لجلك
تحنيها الرؤوس
##############
شكم مره بدعائك انت تهمس
ربي آرجوك لا أتخليني آيس
وفقني يا ربي بموكب اكنس
مدري بيا شعور بخدمتي اتحس
گالوك صدك شتحس بالموكب لمن تكنس
كلتلهم أمير
تراب الموكب بجسمك معقوله يصير اسمك
ويه أهل السعير
############
عزيز النفس انتَ غيري هم عنودي
و تطخ الراس للناس إعلى مودي
يالأصبح وجودك من وجودي
ترى بيوم القيامة تشوف زودي
حسينك باچر اتعرفه يوكف بالحشر وكفه
كدام الجميع
يضيع اليخدم الوادم بس عندي أنا الخادم
ما ممكن يضيع
##############
للشاعر : حسين طالب السماوي .
قرأت بحسنية داود العاشور ليلة ١٤ محرم ١٤٣٧هـ بصوت الرادود عمار الكناني
طبعت بأنامل العبد المذنب علاء 3laa
رد مع اقتباس