حسيني مبين منبعيد ..... بارز
واضح حبه من العين .... بارز
احارب لجل ابواليمه.... وبارز
ولجل عباس اكطعهن ادي
غدر راحن اچفوفك اي يعباس
عدوك من اجاك يخاف يتختل
لان يعرف حضرتك لمن تغيض
حته الجثث ياعباس تتوسل
ابن حيدر علي بصولاته معروف
يبارز بالحرب وبشارته يشل
دخيلك يابو فاضل اليطيح يكول
لبيك ويطيح وبسمك يرتل
يبو فاضل لتوكع زينب اتصيح
جيب الماي انته بهاي متكفل
ذيج المشرعه اسحكهم يعباس
ماريدك تجيني وجودك يضل
لاترجع يكافل هاي الايتام
بحجه ماي دزيتك تقاتل
ابو فاضل اعرفك لو تريد الماي
بس تخزر بعينك المطر يهطل
الهام الحب الك يا عباس ...... والهام
وبيكم يرتفع هالصيت ........ والهام
يهيم الصخر في مجلسك ....... والهام
وتذوب الروح وعضامي سويه
رد مع اقتباس
المشاركة الأصلية كتبت بواسطة مصور الطف
