احسنتي خيتو
السالفة على كولة حنان الفتلاوي نبارك للملكة اليزابيث بتشكيل الحكومه البريطانية في العراق
فوك عمالتهم احنه ساكتين والمشكلة يتعاملون مع حكومه ديموقراطية هسه لو بيها مجال للانقلاب همات الامريكان يصيرون ضده
مثل هواي انقلابات فشلت بسبب هذا الشي واولهم انقلاب المالكي حيث اراد اعلان الجمهورية وانقلاب ضباط المخابرات والانقلاب الاخير
بس همات قسم من الاحزاب حطوا خشمهم بالسالفه وفشلوها
خيي ..
اختلف وياك بالموضوع .. الي اجوو من بريطانيا اهون من الي اجو من ايران ..
المالكي مثل ماتكوول يعلن جمهوريه وهيج شي .. المالكي 8 سنين طارت 4 محافظات لعد من يعلن شكد يروح من عدنا
وين الجيش بزمن المالكي .. هسه تكول كانو يجذبون عليه .. رئيس وزراء العراق مايعرف شيصير بالعراق بربك هذا حجي يكوله بالتلفزيوون
.. انقلاب ياريت بس مايرجعوون .. على فكرة الي جاي يصير عدنا صار قبل بكثير دول من ظمنهم ايران ..
الخميني معارض للشاه طلع من ايران خذته امريكا وجهت عليه كل الكاميرات والاعلام بنفس الوكت اجت طيارة امريكيه خذت الشاه وعائلته
وفلوسه واملاكه وودته لفرنسا وتالي رجعت الخميني وصار حاكم ايران .. نفس اللعبه الي عدنا وهم صارت عدهم مظاهرات وهوسه طولت تقريبا 6 اشهر عدهم
حسب الي سامعته .. احنه هيج اجه المالكي دمرنا دمار .. وهسه العبادي يخاف من كلشي .. اصبر شويه راح يجيبون حكومه كامله وتجي تحكم ..
بس كون عايشين .. اهم شي بدون احزاب دينيه يعني فصل الدين عن السياسه هذا اهم شي .
طبعا اكيد الي تكوليه صح
بس اشوي يرادلنه حركة مدنية قوية
بس الامريكان حيل اذكياء يتلاعبون بمصير الشعوب والناس تائه
تبحث عن لقمة العيش
ومجلبه بالاحزاب السياسية حسبالهم ينصرون المذهب كما ادعوا في اول الانتخابات
الاحزاب الدينيه مايعرفون شي اسمه دين ..
جايين يبوكوون بأسم الدين ..
المهم مصالحهم وهذا كله يفيد امريكا وبس ..
نحجيها صدك وعلى كَولتنا طكَ بطكَ ..
الدين اصلا مامحتاجلهم .. اي كان نوعهم ..
الحسين (ع) مامحتاج لهذا كله ..
عمر ( رضي الله عنه ) مو بعازتهم ..
الله سبحانه تنزه من كل الي يصير والي يكولوو ..
بس عرفوو يدخلوون لنفوس الضعيفه والي افكارهم على كَد الحال ..
بصراحه .. امريكا وبقية الدول شطار عرفوو يعيشوون ...
ويعرفون مصالحهم ..
اكثر من الي صار باليابان هيروشيما احداث ماتنسي بس استفادوو ..
يسموهم كوكب اليابان لان فعلا كوكب لحالهم .. بينما اكثرهم ماعدهم دين ..بس عدهم انسانيه ...
احنه العراقيين نتمنى العلمانيه بداخلنه بس نخاف نحجيها .. مثلا ..
اذا انه اختلف وياك بالرأي بالطائفه بالدين بالقوميه اي شي كان ..
بس تبقى انسان بنظري ..
انسان .. لحم ودم مشاعر واحاسيس كيان كامل لحاله ..
مو شرط اوافق على افكارك او احب طريقه حياتك ..
بس لازم احترمك لانك انسان وغير شي مايهم .. يوم الحساب انت
تتحاسب لحالكمثلما انه اتحاسب لحالي ..
وهذا المهم .. اعتقد هذا الي احنه نحتاجه ...
علي الوردي يقول
لو خيروا العرب بدوله اسلامية او علمانية
لانتخبوا الاسلامية وذهبوا ليعيشوا بدولة علمانية
#الحزب الشيوعي كم احب افكاره
ولكن المؤساة انه كفر والحاد
والكل مبتعدين عنه
صباح الخير خيي ..
خليني اكَلك شي .. الحزب الشيوعي مو ملحد .. ( انه موشيوعيه للعلم فقط هههههه)
يأمن بوجود الله سبحانه وتعالي .. يأمن بوحدانيته بالوجود ... يأمن برسله والكتب المقدسه ..
من ناحيه الائمه والصحابه يأمن بوجودهم ويقدر حياتهم .. بس شي واحد مايصدكه هو الشي الي ماينعقل ..
مثلا بالحكايا امام او صحابي ضرب 100 شخص بضربه وحدة او بحركه وحدة .. هنا اصلا العقل مايقبلها ..
تحسها مو منطق .. بس مايكفرها الحزب الشيوعي .. وبالنسبه للدوله اهم شي عندة العمال ..
يعتبروون العمل بدون عمال لاشي .. وهذا حقيقي مثلا المهندس يجي يأمر ويحجي وبس ..
بس الشغل الي يكمله العمال مو المهندس .. وهذا الصح بأعتقادي .
اني افهم هذا الشي
لكن كنت انوه انو هذا الحزب ما اله قاعدة شعبيه بسبب الفتوى الدينه الي اصدرت بحقه في السبعينيات القرن الماضي
والي خلت الناس هواي تبتعد عنه بسبب الرابط الاجتماعي
عمي شعب مبيوع الله وكيلكم
شكرا للطرح
صاحب الموضوع عزيزي اذا كان هذا حال الجيش لا يشرف ليش انت باقي بي وتحسب على جيش جبان ، فاقد للقدرات ، الخ ؟
بالنسبة لموضوع الأحزاب ؛ ترى كل دولة جمهورية او برلمانية وحتى ان كانت مملكة بيها احزاب ... الأحزاب هذه يفرزها مجتمع سليم لذلك تكون العملية السياسية ناحجة وبالتالي تكون باقي القوى المرتبطة بالحكومة ناجحة ايضا .. قبال هذا الاختيار الساذج للمثليكم كعراقيين كان فاشل ولكل الطوائف ..
وبما ان الموضوع قد تناول اسماء فان السنة هم السبب الاول لاسقاط او تاخير الحكومة الشيعية والتي هي بالأصل ركيكة ! وتأكد اخي القيصر ان كل شخص في هرم الحكومة الى الضابط في سريته مسول عن خراب الجيش والبلاد ..
المحاصصة قبلتم بها كشعب .. واليوم تلعنونها !!! اي شعب أنتم ؟ هل فيكم من انتخب من غير طائفته ؟ او قوميته ؟ وتريدون حكومة مثالية من دون محاصصة ؟!
باعتقداي ان الإصلاح يبدأ من الفرد وان انا وغيري من الشعب العراقي نحتاج للإصلاح وبالتالي صلاح المجتمع ... وبعدها لا نحتاج الى كتابة نقد على موسسة ما او شخص سياسي ما ، لأننا بديهيا سنختار الأفضل ..
امريكا لها يد في القضية ولا يختلف عليه اثنين ، لكن هل تبقى تحت وطئتها وخرابها ؟ ام نصمد بتماسكنا وحبا للاخر ؟!
سياسينا سراق .. نعم لان ثلاثة ارباع شعبنا سفيه ! اي نعم لان السياسيين ما فرزة مجتمعا كما سبق ..
هيبة الجيش مرتبطة بِنَا كمجتمع وكشعب .. لا يصح الجيش حتى نصلح أنفسنا ..
شكرا لاهتمامك اخي ..
صديقي الصافي
جميع وزارة العراقية ركيكة الا ان اهمها الوزارات الامنية
واكيد ما كان الوضع هذا لولا نحن مقصرون اجمعنا
وحتى كلامك عن الشعب صح
بس احنه نريد نثقف العالم والمنتسبين حول هذة الاشياء
وحتى الشعب نتمناه ان لاينتخب حسب طائفتة والانحياز الى الحركات المدنية المستقلة
لانو تخاف محد يسندها من تعمل الفساد
عكس جماعة الاحزاب حتى الدوله تخاف منهم
رد مع اقتباس