لاكهرباء ظل ولا مي بالنهر كطــــــــره
وصوت المواطن بح وماكو واحد يعبـره
حجج واعذار ظلت وتبريـــــــــــــــرات
وطز بالمواطن وكل من يحجي بظهــره
وينك ياوزير الكهرباء وانت تشــــــوف
حالات الفساد وساعة الكشــــــــــــــــره
كضانه الصيف وجانه الشته بلا نفطـات
والمواطن لازم سره عله الموت ينتظره
ماكو كهرباء وشفط مليارات صار سنين
وماشفنه من يحترك وعلينه قلبه يتصـره
شفنه تبريرات وحجج مدروســـــــــــات
وتغطيه للبوك من الوطن والاســـــــــره
كل سنه يمر صيف وعلينه بيه نيـــــران
والمواطن مبتلي بعمــــــــــــــــــــــ ـــره
مريض يموت حي يموت ويظل محتــار
وماشاف حل ولاسمع بشــــــــــــــــــره
ست سنين صار وشنهو سوينــــــــــــاه
نعد نجوم ونباوع الكمـــــــــــــــــــــ ـره
لو نبجي ونولول ونجامل الحكــــــــــام
لو نخاف وماالنه كل تأثير عاليجــــــره
اهم شي الكهرباء وليش متأخريــــــــــن
كافي انجامل المسؤول ونكبـــــــــــــــره
ومن ننتقد مو يعني نكره السياسييـــــــن
نريد احنه نردم الحفـــــــــــــــــــــ ـــــره
حل نريد يامسؤول وياسياسييـــــــــــــن
كافي بعين اطفال الوطن عبــــــــــــــره
ومجلس النواب بس سفرات وكـــلاوات
وشلون يزيد راتبه وبحجيه ينفخ وصدره
وشفناهم كل سنه لمكه سره يرحــــــون
ماتكفيه ست حجات وست مرات للعمره
ولايكفيه بأحسن منطقه قطعة كــــــــاع
ولاتكفيه حته المنطقه الخضــــــــــــــره
عمت عينك اذا انت النايب بهاالاوصاف
شلون تخدم راح وبيا وجي الفقــــــــــره
اذا انت الواجهه والمنتخب من النـــــاس
اعمالك سوده مصخمه ومابيهه كل ثمره
ملينه الوعود وحجايات المصفطـــــات
ونفس الطاس والحمام ووجوه متنكـــره
لاواحد يلبي للشعب حاجـــــــــــــــــات
ولاواحد ينقذ المواطن من حيرته وأمره
بس شطار بين يوم وثاني للدول ترحون
وجوازه مطمغ ومختوم ومأشـــــــــــره
ومسكين العراقي من اختار اليمثلــــــوه
ونحذره ونكله اختار من هسه اهل خبره
حل نريد وكافي تجرجر وتسخيــــــــت
وكافي وعود جذابه ومسطـــــــــــــــره
العراق يريد من عدكم فعل وانجـــــــاز
ازرع ولابد يوم وتحصد الثمـــــــــــره
ست سنين والشعب العراقي يلـــــــــوج
ست سنين ولاكهرباء وخدمه متوفــــره
المن نشتكي ونحاسب والمشتكه للــــــه
واليحجي خاين ويكتله لو سكت قهــــره
العراق يريد انصاف من السياسييـــــــن
من يخلي الوطن بقلبه ويحبه من نظــره
من منتمي للوطن ويحب العراقييــــــــن
مو من باع نفسه للدول ويشتغل بالاجره
القصيده منقوله
رد مع اقتباس
