هنا

[sawsanmahmoud]

اسمي نورمن ميسان
طالبة رابع علمي
طيبة القلب وحنونة مثل الملائكه
احب اقرة روايات وقصص وخاصة لرجاء النقاش
ولاعبي المفضل زلاتان

أهلا نور
نورتي الموضوع بحضورك وبطرح الحقائق الخمسة الخاصة بك
حقائق حلوه
شكرا لك وموفقة ان شاء الله

[sawsanmahmoud]

شكراً ست سوسن على دعوتي لهذا الموضوع الرائع بحق
اني حسن من محافظة البصرة
1-طالب معهد تقني قسم الكترون سنه اولى
2-يكون مزاجي حسب بداية يومي وفي بعض الأحيان يكون متقلب
3-عصبي لآخر درجه و لا اسامح اي شخص يأذيني أبداً
4-احب أن أغير جو بحيث بين جمعة و جمعة اطلع بسفرة( طبعاً داخليه مو خارجيه )
5-و طبعاً احب كرة القدم وأشجع الريال وإذا خسروا ما أطلع من البيت ليوم كامل( بسبب القهر وخوفا من الشماته)

شكرا كيمو أو ( حسن ) لحضورك الموضوع وقبولك الدعوة بالإفصاح عن الحقائق ال5 الخاصة بك .
كل الحقائق حلوه الا العصبية الي عندك ماحلوه ارجو ان تبطلها وتكون متسامح مع الغير
(المسامح كريم ياحسن )
نورت الموضوع بتواجدك
تمنياتي لك بالتوفيق والسعادة بحياتك

[sawsanmahmoud]

موضوع راقي يسلمو ست سوسن..

مشكوره

[sawsanmahmoud]

هلووو.اني.ساره.من.بغداد
اني خريجه معهد.فنون تطبيقيه
اصل.ديانتي مسيحيه.
مواليد94طبعاهذاالموضوع.اول مره احجي.بيه .لأنه بلبطاقه.مسجله 95
عصبيه.ااى ابعدالحدود

أهلا بك ساره
نورتي الموضوع بطرح حقائقك
لكن أرجع واكول بطلوا العصبيه ما تفيدكم بشي
شنو السالفه ليش الأكثريه هنا اعصاب !!
نورتي ساره وموفقه ان شاء الله بحياتج

[sawsanmahmoud]

1-اني نور الهدى تركت المدرسه 3 مرات ورجعت هسه وبعد ماترك بسبب الضروف وحاليا ضروفي تمام بفضل الله واهل بيته وبرابع علمي..
2-عنوديه بشكل وعصبيه نار..بس هادئه في بعض الاحيان...
3- اجتماعيه وكلبي فطير بشكل واظحك للهوى واحب كل اليحبني بس مااكره ولااحب اليكرهني شخص عادي عندي..
4-عمري 19 ومن ذي قار احب الرسم وامنيتي اصير مصصمة ازياء لان بدت موهبتي برسم الازياء من سادس ابتدائي..
5-احب السفر كلش وخاصه وي الناس الاحبهم..
وهاي اني

أهلا بك نور الهدى
شكرا لحضورك وطرحك الحقائق ال5 الخاصة بك
حقائق ايجابيه وحلوه
وان شاء الله ربي يوفقج بدراستج وتنولين ماتبغين .
اهم شي ان شاء الله تصيرين مصممة أزياء
ونجي عندج نفصل ونصمم ازيائنه
نورتي الموضوع

[Ph. Zahraa]

احم احم .....اني ١-زهراء ،خامس علمي ،أحيائي
مواليد بغداد \الكاظمية ،١٥|١١|٢٠٠٠ و عايشة بكربلاء
٢- مواهبي ،كتابة القصص و الرسم و خط انكلش ، شعر فصيح
٣- اكثر انسان أعشقا بحياتي و اسمع كلامه هو ~ نونة ة اختي
و اكثر شخص اكرها بحياتي هو ابو الخط~
٤-امنيتي ادخل الطب و اصير دكتورة كودو اتعلم كل لغات العالم عدا
الصينية و اليابانية،،
٥-اعشق المتنبي و هو المثل الاعلى بحياتي و اتمنى الله لو خالقني بالعصر العباسي علمود بس اشوفه
...و شكراً،،

[sawsanmahmoud]

ضلت عليه
اسمي محمد من محافضه بغداد سادس علمي شاب بسيط طموحي النجاح و الحصول على الهندسه
4 اشياء اكرهه واتمنئ اخلص منهه بحياتي التسرع العصبيه لغرور الثقه المفرطه
اصغر واحد باهلي عدي 5 اخوات واربع اخوان جنت اتمنى عدي يصير اخ اصغر مني وصارت اختي
وجانت اجمل لحضه بحياتي احزن لحضه مرت عليه هذه السنه لمن اختي نصابت بلسرطان وتوفت
يعني مطولت الفرحه

شكراا لصاحبت الموضوع

أهلا بمشرفنه الورده محمد
شكرا لحضورك وافصاحك بحقائقك ال5 الخاصة بك
حقائق حلوه ومؤلمة بنفس الوقت
صراحة قهرتني بخبر وفاة أختك الصغيرة
الله يرحمها ويدخلها فسيح جناته وآن شاء الله تكون آخر الأحزان
وربي يحفظك ويحفظ أخوتك وتفرح بيهم يارب
دعواتي الك بالنجاح والتوفيق بدراستك وان شاء الله تصير أحسن مهندس بإذن الله ﻷنك تستاهل كل الخير ياطيب
شكرا مره أخرى لتواجدك بموضوعي
منور

[sawsanmahmoud]

احم احم .....اني ١-زهراء ،خامس علمي ،أحيائي
مواليد بغداد \الكاظمية ،١٥|١١|٢٠٠٠ و عايشة بكربلاء
٢- مواهبي ،كتابة القصص و الرسم و خط انكلش ، شعر فصيح
٣- اكثر انسان أعشقا بحياتي و اسمع كلامه هو ~ نونة ة اختي
و اكثر شخص اكرها بحياتي هو ابو الخط~
٤-امنيتي ادخل الطب و اصير دكتورة كودو اتعلم كل لغات العالم عدا
الصينية و اليابانية،،
٥-اعشق المتنبي و هو المثل الاعلى بحياتي و اتمنى الله لو خالقني بالعصر العباسي علمود بس اشوفه
...و شكراً،،

احم احم
أهلا بك زهراء نورتي الموضوع بحضورج
شكرا لطرحك للحقائق ال 5 الخاصة بك
حقائق حلوه
لكن الي ما فهمته بيها هو منو هذا ابو الخط ~ الي تكرهي !!
تمنياتي الج بالتوفيق بدراستج وحياتج
وان شاء الله تحققي ما تبغين اله .
منورتني

[يوسف السياف]

١_يوسف احمد من بغداد عمري 20 سنه
٢_ ادرس بكلية الصيدله مرحله اولى
٣_احب واعشق متابعة كرة القدم واعشق نادي برشلونه واشجع منتخب الأرجنتين
٤_احب اسافر وكل يوم بلد جديد بس فلوس ماكو
٥_اخاف من الموت صراحتاً لأن ما اعرف شنو اللي وراه وشلون يصير

[الغريب ي]

السلام عليكم .......اسمي يوسف صباح مواليد 91.....اعشق العلوم الفيزيائيه وخاصه الطاقات الحره والمتجدده يعني انتاج الكهرباء ..اكره شي اسمه استيراد احب الانتاج.....موهبتي ..الرسم..الشعر الفصيح...التعبير..الاختراع والتصنيع...انسان طيب لابعد الحدود ...خيالي زياده عن اللزوم....مااكدر امر من يم انسان محتاج وماانطيه ....صريح جدا ....اجامل بحسب المقتضى من المجامله.....هاااادئ بشكل ....احب كلشي بوكته حلو ....اتصور اكثر من 5نقاط اسف وشكرا للموضوع المميز تحياتي