المشاركة الأصلية كتبت بواسطة علي الشمري &
عاشقة العتره المحمديه
يعني هسه عفتي الاعضاء كلهم واجيتي عليه ليش عود خالي !!!
في البدايه احب ان اشكر كل من ساهم في هذا الموضوع الجميل والمميز
واحب ان اشكر الاستاذه سوسن على هذا الموضوع .
احم احم
الحقيقة الاولى
الاسم الحقيقي هو :-
علي عبود عباس الشمري
من سكنة محافظة واسط / قضاء الحي
الحقيقه الثانية (دخولي الى المنتدى) :-
في البداية كان دخولي للمنتدى بصفة زائر
اراقب قسم الشعر الشعبي فقط
يعني بيــن () حائر بين اسجل او لا
وبفضل الله ومساعدة صديقة لي شاعره من اهل واسط
قنعتني ان ادخل واسجل وطبعاً بدون مجامله هذا اعتبره شرف الي
لان تعرفت هنا على اخوه واخوات والله يدري شكد الهم مكانه بكلبي
بس اني احس انه اكو اعضاء داخل المنتدى (تكرهني) بدون سبب او سبب لا ارادي
احب اوجه كلمه لهم عمي والله اني فقير واعذروني اخاف ضوجتكم بدون قصد
وابروني الذمه رحمه الوالديكم لان بعد شويه طالع لكركوك انودي مساعدات للحشد
الحقيقه الثالثه :-
عصبي جدا جدا , كتوم في كل شيء , بئر اسرار اصدقائي ومعارفي
بفضل الله وحمده الكل تحبني في المجتمع لان طيب القلب .
الحقيقه الرابعه (الهوايات) :-
1- الشعر الشعبي
2- الرمايه ودائما اطلع للصيد مع اصدقائي
3- السباحه ( وحتى في وقت الشتاء اقوم بالسباحه في نهر الغراف)
الحقيقه الخامسه (الشعر)
بالنسبه للشعر الى هذه اللحظه لا اعتبر نفسي شاعر مطلقاً
مع انه تم اختباري من قبل شعراء لهم اسمائهم في كوكبة الشعر
وتم اصدار هوية لي من جمعية الشعراء العراقيين
الى اني متخوف من المنصه ولا اريد صعودها ابداً
لان اعتبر نفسي بعدني بأول (بايه) بدرج الشعر
والسلام عليكم ورحمة الله وبركاته
وعظم الله اجورنا واجوركم
شكرا اختي الغاليه
عاشقة العترة المحمدية
