بقلب مؤمن بقضاء الله وقدره تلقيت اليوم بالم وحزن خبر
وفاة العم الشاعر الحسيني عبدالحليم بنوان صويلح
(ابو سيف الحياوي )
رحمك الله ايها المخلص لاهل البيت عليهم السلام وحشرك مع محمد وآل محمد .
مجروحـه القوافي امـعـلعـلـه الأوزان
أحـاسـيـس الـشعـر باحزان مـنـظـومـه
الصدر الكل عجز ينحب نحيب ايتيـم
جي شاف الشمس متوسّطـه الحـومه
مـضـنـوكه المآسي ابتلت بالأحداث
مـامـرهه الفـرح باسـعـدهه مـضـيـومـه
مـو هـيـنـه الكـوارث فـجـعـة الأكـوان
مـن حـكَـهـه الاجـواء اتـكـون مهـمومـه
لـجـل وضـع العـلينه لـبست الهندام
هـنـــدام الـســـواد اويــانــه مـحرومـه
نـيـــران الـعـنــاء ابـشــيــعــة الـكـرّار
وكَـدهـه الـدهــر مـاتـطـفـه مـحكـومـه
من اهـد الـغـريـب الـظـل ثـلـث تيّام
جـثّـه امــتــرّبــه امـن الـراس مـعـدومه
.................................................. ....
وله ايضا :-
قضيّة الأسلام السمائيّةِ هي الحُسين عليه السلام التي بدأها
بالسفير اللّايُضاها على مدى التأريخ إبن عمّه مسلم بن عقيل
المغوار عليه السلام ضد كاشحين الحقّ الأشرار ،،،،،،،،،،،،،،
************************************
مسلم الكوفانهه ابزوده دخل ، وحده بالغربه انضرَب بيهِ المثل
عهد ماخذ ويّه نفسه ،،،،،،،،،،، يعرف ابأبعاد درسه ،،،
كَـلبه ينبض شوكَـ حب خير العمل ،،،
وحـده بالـغـربـه انـضـرب بيـه المثل ،،،
،، مسلم اشما انكَول واشما انوصّفه
ما نصل كل حد رهيب ابموقفه
حـامـل ابـرايـه الـعـلـم والـمــعــرفـه
بطل مغـوار ارتقه ابأعظم صفه
محتوي ابأجمل معاني ،، ماكواله ابكل خطوه ثاني
ثايـتـه اتـظـل للأبـد تـعـنـي الأمل ،،،
وحـده بالـغـربه انضـرب بيه المثل ،،،
،، من دخل وسط المنايه الكلهه ناس
يدري سكَـف الدين عدهم ماله اساس
،، كـلـهـم اذيـول الـمـذلّـه ابلايـه راس
، خـصـلـة الـخـذلان بـيـهـم بانـتـكـاس
من محبّه ابغـش اجتله ،، ناويـه الكل اعله جـتـله
صـلّو ابظهره التفت خالي المحل ،،،
وحده بالغـربـه انضـرب بيـه المثل ،،،
،، بانسحاب الكل يجـر بيـهـه الطمع
مـبـدأ الـعـدهـه الـعـمـل ضـد الشـرع
،، تـرفـض الـمـنـطـق فلا تـمـلك ورع
عـالـخـيـانـه امـركّـبـه ابـكيـد او خـدع
قايضت بانفسهه كلهه ،، اجماله تتباهه ابجهلهـه
تـمـشي مذهـولـه اليـراودهـه الوجل
وحـده بالـغـربـه انـضـرب بيـه الـمـثـل
،، هاني ابن عروه شبكَـ مسلم شبكَـ
موقفه ابـتـشـيـيـعـه بـمـوادد عشكَـ
،، ما تـراجـع لحضـه بلـسـان الـصــدكَـ
ضـحّه لجل الدين أصـيـل امن العِـركَـ
ناصَـر الـعـارِف وجـوبـه ،، استشهد او ضاكَـ العذوبه
بـالـسـفـيـر ادره شـهـم ثـابـت جبل
وحـده بـالـغـربـه انـضـرب بـيـه الـمثل
،، وحده بالـغـربـه ولا جن وحده جان
شـايـل ابـجـفّـيـنـه روحـه ابكل مكان
،، لاجن الوحشه عمت عين الزمان
تـولـي صـاحـبــهـه الـيــدوّر عـالأمـان
طوعه طلعتله او تكَـلّه ،، سألـتـه ابـدمع التـهـلّـه
شـو غـريـب انـتـه أحـس من يا أهـل
وحـده بـالـغـربـه انـضـرب بيـه الـمـثـل
،، كَـلهـه صـح يا حرمه واعلن كنيتـه
فـتــحـت الــدار ابـنــعــاوي اتـلـكَـّـتـه
،، إدخـل الـبـيــتـك يـطـــود اتـرجّـتـه
كـلـهـه جاي اتـخُـم علـيـك اتـنـخّـتـه
،ماكو اليحاسب ضميره ،، ضدّك انـكَـلـبـت الـديـره
لايــمــر بـيــهــه الـحـيــاء او لا خـجـل
وحـده بـالـغـربـه انـضــرب بيـه الـمثل
،، حاطته العدوان اجت من كل طرَف
باشر ابهـمّـه سحب سيـفـه اوخطف
،، صاعقه اونزلت عله اجموع الخرَف
بـيـن مـذبـوح او مبـين اللي انـكَـطف
لاجن الكثره ابغدرهه ،، تـغـلب اجمـاله ابمكرهه
بـاغـتـت حـيـد الــزلـــم شـــامـخ رحـل
وحـده بـالـغـربـه انـضـرب بـيـه الـمثل
شامخ اتوكّل عله اللّه ابكل جداره
واجَــه ابـن ازيــاد هــذا آخــر مــســاره
،، أعلن الحكَـ اللي يشهدله انتصاره
قـمّــة الـعــدْل اعـتــلــه قـصــر الأمــاره
ذبحته الما عدهه ذمّه ،، طافح اعله احسين همّه
تـالي من فـوكَـ اشـمـرو جـثـتـه الفحل
وحـده بـالـغـربـه انـضـرب بـيـه المثل
الشاعر المرحوم
خادم الحسين
عبدالحليم بنوان صويلح
رد مع اقتباس
