للشاعر ناظم الحاشي
********************
جنح فطرس حضرها بدت رحلت سفرها
جواز الطف صورها على الكوثر مقرها
****************
فطرس نازل يحمل هالخبر
رحلت موتك جهزت للسفر
صحبك و اهلك و انت ع الاثر
شمسك ترحل و يغيب الگمر
شوفه بعينك يوگع ع النهر
و اختك تنشد بحبال القدر
بعد عزها بخرابه النبي يهتك حجابه
الك توفي صحابه مثل صبرك صبرها
''''''''''''''''''''''''''''''
نادو زينب يا نون القلم
احنه أنصارچ لترابچ خدم
اثنيين بطفچ ميطيحن قسم
دمعت عينچ زينب و العلم
اي و الشكلت ع الثاني الذمم
محد يوصل لطراف الخيم
و لا تطلع سبيه سراج الله و نبيه
لجل سكنه و رقيه الزلم نذرت عمرها
"""""""""""""""""""""
بيهم ناده ناصر مذهبي
ابقى لوحدي منكم مطلبي
كلهم صاحوا يحسين الأبي
من انعوفك شنگل للنبي
عفنه احسينك بيد الناصبي
ندري بزينب بالطف تنسبي
وحگ ربنه و خليله وحك طفه و كفيله
وحگ ستر العقيله فلا يقبل عذرنه
"""""""""""""""""""""
كون انعوفك و انته بغربتك
شنهو إجوابك و امك سألتك
يا ابني اصحابك ساعة شدتك
منعوا عنك خيل الداستك
دفعوا دمهم عن دم رگبتك
لو يوليدي ربعك خانتك
تگول اذكر صحابي حرگ بالنار بابي
گلت اية كتابي برمح شالوا نحرها
"""""""""""""""""""""""""
يمه اصحابي طاحوا ع الثرى
واحد واحد قدم منحره
همه احبابي دنيا و أخرة
لا ما عدهم صفحة مزورة
لا ما خانوا بيت المغفرة
مثل الرفضوا بيعة حيدرا
زلم لمن صحتها جثث بالطف عفتها
گبل صدري شفتها بحقد داسوا صدرها
""""""""""""""""""""
صاحوا بالطف يا نور الأزل
كلمن عافك بالنار أشتعل
خان بجدك و بخير العمل
يذبح فاطم بيد أم الجمل
راس العدنه لجدامك نزل
رايد يصعد برماح الجهل
اذا شخصك نعوفه فلا ربك نشوفه
جنان الله و قطوفه الخسر حبك خسرها
""""""""""""""""""""
جرحك اخضر من يوم الجرح
لسه انصارك لأجلك تنذبح
راسك بعده مرفوع برمح
صرخت دمك اذان الصبح
شيعي و بعدك مكسور الجنح
ويه اعدائك ارفض كل صلح
اضل صاحب عقيدة اريد اللي تريده
عليه لعنت يزيده الذبح شيعة و غدرها
"""""""""""""""""""""""""
و انت الحاضر شاهد للزمن
حكم عقلك لتقرك فتن
اضرب صدر ك للصدر انسحن
يوم العاشر لا أتعوف الجفن
اعلن موقف واضح للعلن
روس اصحابه قبلك طبرن
دمع عينك عبادة درب موتك ولاده
مشه اجدامك شهاده عزاء الطف نصرها
""""""""""""""""""""""""
طبعت بأنامل العبد المذنب علاء 3laa
٦ محرم ١٤٣٧هـ
رد مع اقتباس
المشاركة الأصلية كتبت بواسطة محمد الساري
