للشاعر : حسين الخالدي
****************
لو رايد تشيل بجفك الراية
من ام البنيين تعلم الغاية
غايات ام الوفة رايات ام الوفة
مواقفها مناقب تنذكر للناس
بواچيها سوالف قمة الإحساس
تجيب حروف زينب غذت العباس
من مهده و تعلمه و قرته اقرايه
غايات ام الوفه رايات ام الوفه
""""""""""""""""
هاي ام البنيين التنذر الأولاد
ما صحت ولدها اتصيح ابو السجاد
تضل باب الحوائج لليريد إمراد
منبع للوفاء و للبشر ايات
"""""""""""""""""
اجه الناعي يگلها إدموعچ بعينچ
ها يا ام البنيين إعلى الصبر وينچ
حرگوها الخيام و ذبحو حسينچ
و زينب بعد أخوها تنسبي اسبايه
""""""""""""""""""""
مثل اخيام زينب تحترگ مرات
عدها اطباع لبوة ما تذل هيهات
توئمها الشموخ وداست الصعبات
خذت طبع الزچيه و تبقى وفايه
""""""""""""""""""
ضحت باربعة و ما سألت اعليهم
بدويه اصيلة و عزم تنطيهم
تنادي حسين يمه و ما تناديهم
ترباتك علي و يا نعم الربايه
"""""""""""""""""""
نحر حسين قصة و هيه ترويها
على القاري دهر كل يوم يحچيها
اذا شافت رمح حتما يآذيها
و اذا سمعت خيم تجريها الحچايه
""""""""""""""""
طبعت بأنامل العبد المذنب علاء 3laa
رد مع اقتباس