بسم الله الرحمن الرحيم
اللهم صل على محمد وعلى آل محمد الطيبين الطاهرين
السلام عليكم ورحمة الله وبركاته
وعظم الله أجوركم يامؤمنين
* * * * * * *
طفله مهما صار ماننساها
من صغرها واﻷجل وافاها
■ ■ ■ ■ ■ ■
لو ذكرنا امصاب هالطفله نون
والدمع يجري على صحن الوجن
ماتت ابعمر الطفوله امن الحزن
حيث والدها اذبحوه اعداها
■ ■ ■ ■ ■ ■
تبتدي لوعة رقية ابكربله
يسروها القوم وي العايله
واقطعوا بيها مسارات الفله
اوجم نذل بالسوط يتولاها
■ ■ ■ ■ ■ ■
شالت اهموم التهد حتى الجبل
شافت ابعيناها والدها انجتل
عافته اوراحت مع اظعون اﻷهل
اوظلت مصيبة أبوها اوياها
■ ■ ■ ■ ■ ■
طفله دللها اﻷبو ابعمر الورد
خبروني اشلون عنه تبتعد
ابحسرة الفاجد قلبها منظهد
الروح ذابت والحزن يرعاها
■ ■ ■ ■ ■ ■
سكنوها بالخرابه المظلمه
اوجانت اهناك المصيبه المؤلمه
زادت ابغيها العصابه المجرمه
مارحمها واحد ابلواها
■ ■ ■ ■ ■ ■ ■
بالخرابه الموحشه شافت حلم
جن أبوها زارها اوراح الهظم
اومن درى ايزيد اوصبح عنده علم
راح يكثر ياوسف شجواها
■ ■ ■ ■ ■ ■
قال ودوا الراس رايد تنظره
خلو هالطفله اتسله ابمنحره
واكبر امصاب ابرقيه لن جره
اودمعة الحسره انفجر مجراها
■ ■ ■ ■ ■ ■
شافت الراس اوفجعها هالوضع
اوشهقة الموت اشهقت عالمنصرع
آل أميه هم سبب هذا الصنع
هاي طفلة انذبحت ابطغواها
■ ■ ■ ■ ■ ■
الشاعر حامد البدری
رد مع اقتباس
المشاركة الأصلية كتبت بواسطة بنت الملوك
