هنا

[¥محبوب$القلوب¥]

والله عنـدي واهـس ** احـضـر المـجالـس
مـرجعي بجـنوني
آيــة الله عـابـس
------------------------------
لاتلوموني بجـنوني يالـتلومون
والله هايم بالحسين وبيه مجنون

حقـي اشـگ ثـوبي اذا اسـمع نـعي
مـرجـعـي عـابـس واقـلـد مـرجعي
والله لامـوعـيـب لـو هـل مـدمـعي
حـب ابـو اليـمه شربـته ابمرضـعي
وهالشعيره امارس ** احـضـر المـجالـس
مـرجعي بجـنوني
آيــة الله عـابـس
------------------------------
والله عايش كل حياتي الهالشغلتين
الطم اعله حسين انه وابچي لحسين

هـدومي سـود ويـظـل هـذا ملـبسي
ومجـلس حسـين ابو اليمـه مجـلسي
حـوزتـي بـيهـا الحــزن مـايـنــسي
مـرجـعيتـي الـعابـس انـه عـابـسي
وعلى ايده دارس ** احـضـر المـجالـس
مـرجعي بجـنوني
آيــة الله عـابـس
------------------------------
المايريد حسين اصلاً ما اريده
والمسافه ابيني وابينه بعيده

حسـين احـسه كلشي بالنـسبه إلي
وبـالـشعائر اليـضـدني ايضـد علي
حسين ديني ومذهبي وناسي وهلي
وبـجـنـونـه الــحــمد لله مـبتــلي
حـبه گلـبي تارس ** احـضـر المـجالـس
مـرجعي بجـنوني
آيــة الله عـابـس
------------------------------
انـه مجـنون الحسـين وهـذا معروف
عقلي راح اويه الحسين ابيوم الطفوف

مــن سمعـت حـسين گطـعو خنــصره
مــن سمــعت حـسين حــزو مــنحره
مــن سـمعت اظلـوع صدره امكـسره
الـهالــسـبب مـجـنون اظـل لـلاخـره
وبالـجنون انافـس ** احـضـر المـجالـس
مـرجعي بجـنوني
آيــة الله عـابـس
------------------------------
الراد يعرف هالجنون وشنهو الاسباب
الـسبـب نايـم حبيـبي فـوگ الـتراب

الـمقـتل اسـمعته وچـنت انــه طــفل
گــال (عـبد الزهـره) ظـل ابـلا غسل
والله مــن ذاك الـوكـت مـاظـل عـقل
عـقـلي هـاي الـفـاجـعـه مـايـحتـمل
عشت عمري آيـس ** احـضـر المـجالـس
مـرجعي بجـنوني
آيــة الله عـابـس
------------------------------
اشعر بكل يـوم عاشر مـر عليه
وناري اطفيها امنطب للحسينيه

المـجلس حـسين الرحال انـه اشد
مـايهـمـنـي والله حـــر اولا بـرد
ذكـره لـو مـرني دليـلي يــنمـرد
واصـرخ ابهالصـوت يارادود اعــد
وثوبي الاسود لابس ** احـضـر المـجالـس
مـرجعي بجـنوني
آيــة الله عـابـس
------------------------------
تمت والحمد لله في 22/ 8 / 2015
حيدر تركي الكربلائي

[النقيب]

شكرا لك اخي

[¥محبوب$القلوب¥]

شكرا لك اخي

الشكر لله تعالى و عظم الله لك الأجر

[حُوٰسٓةة مٓنِزٰلّ *]

اشعر بكل يـوم عاشر مـر عليه
وناري اطفيها امنطب للحسينيه

عظم آللـْ•̣̣̥·̩̩̩̥•̣̥ـْـّہ لگ الاجر
يعافيكگ

[¥محبوب$القلوب¥]

اشعر بكل يـوم عاشر مـر عليه
وناري اطفيها امنطب للحسينيه

عظم آللـْ•̣̣̥·̩̩̩̥•̣̥ـْـّہ لگ الاجر
يعافيكگ

شكراً لكِ و جزاكِ الله خير الجزاء