يزوار ياهلا بيكم يزوار الله يحميكم
ياجنود الشعائر بيكم انا افاخر الله يحميكم..
سلطانة الجن والانس تشبه اشعة الشمس بين الملايين ماتنسى واحد تكصدة طول الدرب تتفقدة وماغمضت العين
هاي ام ابوها الطيبة نور العرش متحجبة بيديها جفين كل اربعين بكربلا تحضر تنادي ياهلا بزوار الحسين ...
يجنود الشعائر بيكم انا افاخر
بالعيون والله اخليكم ..
يازوار ياهلا بيكم يازوار الله يحميكم...
بعيوني يااهل الوفى ورحمة ابوية المصطفى منكم فلا صار مشاية ماهمكم تعب درب المشي مهما صعب يزداد الاصرار صوت القنابل يرتفع والصيحة منكم استمع للموت زوار اي والنعم ياشيعتي واسيتوا زينب بضعتي وجيتوني خطار
يجنود الشعاير بيكم انة افاخر
للحسين شوك يحميكم...
يزوار ياهلا بيكم يزوار الله يحميكم..
رحلت عشك من كل بلد واتلاكة بيكم ع الوعد بدموع عيناي ليلي ونهاري امناطرة وية المواكب ساهرة مشدوهة الراي شيب وشباب امعاهدة وتحمل طفلها الوالدة وتهتف يامولاي كالوا طريقك بي قتل جيت وجبت حتى الطفل للموت مشاي
ياجنود الشعاير بيكم انا افاخر
يوافون رغم اعاديكم
يزوار ياهلا بيكم يزوار الله يحميكم
وياكم بطول الدرب روحي ويظل حالي صعب منتظرة الكم وحسين ايدة ع الظهر موعدة يم كبر الكمر يلتم شملكم اهتف هلا بشيعة علي بحفظكم الباري الي ويحفظ اهلكم كل حاجة اقضيها انا واجبي علي كل سنة افتح سجلكم
يجنود الشعاير بيكم انا افاخر
بالدموع كتبت اساميكم
يزوار يهلا بيكم بزوار الله يحميكم
اكتب اساميكم ورد اتوجه لسوح الحشد ولد الغيارة اسمع صداهم يعتلي انريد العذر ياابو علي بهذي الزيارة ناديت شيعت فاطمة يابيكم الدين احتمة وجيبتوا انتصارة جبرتوا ضلعي المنكسر واليوم بابي المستعر طفيتوا نارة يجنود الشعاير بيكم انة افاخر
يااحرار بيش اجازيكم
يازوار ياهلا بيكم يزوار الله يحميكم
يجنود الشعاير بيكم انا افاخر ... الله يحميكم
رد مع اقتباس
