كل مااشوفك - باسم الكربلائي-للشاعر عبدالخالق المحنه
كل مااشوفك بالطيف لازم تهب نسمه صيف
من نومتي اتصحيني ماادري يالغالي اشصار
لا هدهد ايجيب اخبار وانا الهجر ماذيني
يانايم بعيني حزن بالصدفة يغمضلي جفن
واصرخ مثل قلبي الجرحته
ناحن حمامات السفر وبناظري جمرة ومطر
ليله بالف ليل السهرته
ارجع ولو ساعة ردت خاطر اكلك من رحت
جم خاطر ابخاطر كسرته
يابو الوفه يالمبتعد تترك عليله وماترد
لاقلبك يحن عله بنته
بله شيصبرني عليك لااندل واوصل ليك
وبغربتي مخليني ظليت ادور تذكار
لاهدهد يجيب اخبار وانا الهجر ماذيني
ظل يدوي بضلوعي اللهب تتناثر دموعي عتب
والوركة عالون علمتها
اتعذب بحرجي ملح كلساع اعدل وانذبح
كم ذبحة بغيابك شفتها
مشتاكة ابوسك بالنحر بوسة طفل قلبه انكسر
موته وعلى صدرك ردتها
امشي وادقق بالنظر لجدامك اتبين اثر
طحت على وجهي وقبلتها
من ينترس وجهي تراب ازحف وانام على الباب
حر الهوئ يغطيني اطفي الجمر واشعل نار
لاهدهد يجيب اخبار وانا الهجر ماذيني
افتر وادور كل كتر لازم اله ذكرى وعطر
اذكر قبل منا يجينه
هنا اذكره من سجد منا مشئ واهنا كعد
هنا كلي يابنيتي الحنينه
اهنا شبقني بلهفته للحين احس بقبلته
واتشابكن عيني ويه عينه
هنا نشد عن صحتي يفرح ابويه بضحكتي
كاودني ول زينب مشنا
راح واخذ كلشي وياه ظلت مدامع فركاه
تجرحني وتواسيني تاليها مارد للدار
لاهدهد يجيب اخبار وانا الهجر ماذيني
تحت التراب انظر هدم بي ريحة الخوه اشم
هذا لعلي الاكبر عرفته
الزمته من طرف وطرف جنا علي قبالي وكف
ناديته ياخويه وشبقته
مرات امسكه من الردن وامشي مع الاكبر اظن
عفيه اخويه اليلزم اخته
يثكل قميصك ياعلي تراب ومدامع يمتلي
طين امتله بس ماغسلته
خوفي على عطره يروح من شمته ترد الروح
من المرض يشفيني حكم الدهر والاقدار
لاهدهد يجيب اخبار وانا الهجر ماذيني
انظر مهد مابي ضوه خالي ويهز بيه الهوا
قلبي جفل مثل الحمامه
وتراوه بمهده سهم حتى الوساده بيها دم
سترك يارب من هالعلامة
ناغيته ويصب مدمعي وبلا شعور ولا وعي
عبدالله ترجع بالسلامة
شتكله امه اتذكرت نام الحبيب ومانمت
جانت تناغي بابتسامه
اتذكر امه شدكول نام الولد دللول
غالي واعزمن عيني راح وصحت ياستار لاهدهد ايجيب اخبار وانا الهجر ماذيني
كل مايجي وقت الظهر يمي احس يصهل مهر
وينادي ياعالم هضيمه
واركض واباوع للسما لون احمر ويمطر دما
حتى الهوا خايف نسيمه
هاا يالمهر كلي شحصل كلي بقيت بلا اهل
زينب ترة ماعدها خيمه
خصم الكلام اتيسرت وضلوع ابوج اتكسرت
يعني انتي من هسة يتيمه
ظليت ادك عالراس لاوالدي ولاعباس
حادي الحزن يحديني شوف الزمن من يندار
لاهدهد يجيب اخبار وانا الهجر ماذيني
ظليت اعاين عالدرب مهضومه مكسورة قلب
لن صوت ابن حذلم اسمعه
ام البنين اتعنته واني ركضت ويه صيحته
جاوب دليلي لاتصدعه
قلي هلج راحوا جتل والوالد بلا غسل
مرمي ولا واحد يشيعه
قلي وبعد غير الذبح الف وسبعميه جرح
جسمه توزع من يجمعه
ماشفنه غير مجتول عاري وتسحكه الخيول
وينادي من يرويني
والعليه صارت طشار لاهدهد يجيب اخبار وانا الهجر ماذيني
كل مااشوفك بالطيف لازم تهب نسمه صيف
من نومتي اتصحيني ماادري يالغالي اشصار لا هدهد ايجيب اخبار وانا الهجر ماذيني
رد مع اقتباس
