غسان الشامي - قصيدة رجعت الخدمه مكتوبه - للشاعر ايهاب المالكي (مشاهده وتحميل mp3)
:::::::::::::::::::::::::::::::::::
حزن بطعم مختلف - قصيدة رجعت الخدمه
من كلمات الشاعر الكبير ايهاب المالكي
بصوت واحساس والحان المنشد غسان الشامي
:
::
:
رجعت الخدمه بمحرم من جديد
واكو خادم مارجع كالو شهيد
نزل دمعي وراحت افكاري بعيد
وكمت اشوف كبال عيني بكل مكان
::
شفته يلطم بالعزه ويبجي المصاب
شفته للزاير اجه يوزع ثواب
عاين بلهفه علوجوه الشباب
ماتلاكه وي ربعه من زمان
.........................
شفته يحجي وركزت بدموعه زين
كلت يمكن جان يحجي ويالحسين
...................
دمع عينه من نزل
غركت الدنيا ورد
..........
ماكدر رغم الاجل
عن محرم يبتعد
.......
جنت اشوفه بدمعتي
وبكل مكان
.....
شفته لكن مالكيت ثيابه سود
شفته يخدم عسكري بزي الجنود
جاي اجازه من الكبر فتره ويعود
ردت اعاين وجهه وبنوره التهيت
.....................
هو مو هوعرفته من الدليل
الشضايا ابدلته ودمه اليسيل
كل كلامي بغيرته الكاه قليل
ما اوفي بغيرته مهما حجيت
..................
جايب وياه كل حلم من عنده راح
وللامانه معلك بظهره السلاح
....................
يخدم وظله الهوى
مايخليله اثر
....
واكف يثوب ضوه
روجة جفونه نهر
......
جنت اشوفه بدمعتي
وبكل مكان
.......
خادم ومن الكبر للخدمه جاي
ثاري موسهله يعوف الخدمه هاي
لويريد انفاس انطي من هواي
جانت انفاسه تسابيح وقنوت
..................
جنت اشوفه وماردت عني يغيب
بين ونه وحسره ودموع ونحيب
جنت احس بحيرته حيرة غريب
روحه لازم ترجع متانيهه موت
.................
حيرته جانت سوالف بيهه روح
خاف يشتاك لمحرم من يروح
.................
الكبر يتنطره
وبخدمته ملتهي
......
وحشه ليل المكبره
لو محرم ينتهي
......
جنت اشوفه بدمعتي
وبكل مكان
::
للتحميل بصيغه mp3
من هنا
اهداء الى ارواح الشهداء من خدام وعشاق الحسين
((القصيدة مكتوبه حصرياً لمنتديات درر العراق))
رد مع اقتباس
المشاركة الأصلية كتبت بواسطة Murtadha AL-hilfy
