يحسين مثلك بالبشر وين الكه , محرم 2015 م , 1437 هـ , عاشوراء 2015
يحسين مثلك بالبشر وين الكه
والگلب لو ذاب اعله حبك حگه
لتلوم روحي او لو تون ابحرگه
ودموعي تنزل عالوجه تتحدر
...................................
يحسين حبك من صدگ جنني
واسمك نقشته ابگلبي من تسألني
من الزغر خادم الك تعرفني
وبخدمتك مولاي ماضني اخسر
...................................
يحسين الك هذا العهد وتسمعه
كل مايهل عاشور تنزل دمعه
وبلطمي يا مولاي ماظن بدعه
وانته الفديت الدين دم المنحر
...................................
يحسين بيك احنه صِدگ آمنه
انته الوصي وسيد شباب الجنه
صار الگلب كل يوم الك يتعنه
وچن طير هايم يم ضريحك يفتر
...................................
يحسين احنه انعادي كلمن عاداك
ونبايعك ونوالي كلمن والاك
ونبقه اعله نهجك للابد ما ننساك
وما نترك المنهاج لـــــــــــو نتوذر
..............................
خادم ابا الفضل
علي الشمري
2015/10/17
رد مع اقتباس
المشاركة الأصلية كتبت بواسطة روِمِيّوِ آلَعَ ـصِـر آلَحً ـدُيّثًـ
