العليلة
:::::::::::::::::
ياللّي ناوي عالرحيل .. تره أصبر مستحيل
تره أصبر مستحيل .. ياللّي ناوي عالرحيل
غيبتك بويه طويله
وفاطمه بنتك عليله
ياللّي ناوي عالرحيل
********************************
اعيوني تنظر .. عالمحامل .. صار واقـع يـعنـي راح انـتم تــبعدون
كـل اخوْتـي .. ركبتـهـم .. بــويـه فرحــانين احسهــم مـن يــرِكبون
يا رقــيه .. يا سـكينه .. اتصيح يالله استعجلن خل تمشي الضعون
وآنـه يمّـك .. ما صحتلي .. وما گلتلي بويه گومي اويـه اليروحون
گتلي ضلّي لا تجين .. تره باچر تنسبين
تره باچر تنسبين .. گتلي ضلّي لا تجين
بويه خذني وهمّي شيله
وفاطـمه بنتــك عليـله
ياللّي ناوي عالرحيل
********************************
ترضه انته .. أبقه وحدي .. اوياك اخذني اولا يضل بالك عليّه
بابـا بابـا .. يا حـياتي .. شلون اضـل وحدي منو اليـعتني بيّه
آنـه اريدك .. تبقه يمّي .. اتخفـف آلامــي لَــمَـن تـلــزم ايـديّه
واذا ناوي .. عنّي ترحل .. عـــاد خلّي يمّـي بـسّ اختي رقيّه
حتّه من نحلم نموت .. آنه ويّاها ابسكوت
آنه ويّاها ابسكوت .. حتّه من نحلم نموت
إلدّمع لَمـّن تسـيله
وفاطمه بنتك عليله
ياللّي ناوي عالرحيل
********************************
ابحيره أبقه .. لو عفتني .. تدري بَعدك والله ما يرحم زماني
اشراح اجاوب .. لليناشد .. اشلـون اگـلّه والدي راح ونساني
اوياك اخذني .. وما أگلّك .. بويـه بالمحـمل أريد آنـه مكاني
لا تـبالي .. بويه أمشي .. على رجــليّه المـــهـم ويّـاكـم آني
بويه درب الطف بعيد .. وعالمشي اتعوّد أريد
عالمشي اتعوّد أريد .. بويه درب الطف بعيد
والسبي يصعب رحيله
وفاطمه بنتــك عليله
ياللّي ناوي عالرحيل
********************************
بويه اخذني .. اوياك اهاجر .. بهالسفر آنه أحــس كــل نايباتي
الطف أشوفه .. بـي مِنايه .. الهــاسبب ويّــاك اريــد آنه مـماتي
عـالوطـيّه .. منّ اشـوفك .. امســلّبه اثـيابك أغطّـيك ابعــباتي
واليذِبْحـك .. بويـه ريـته .. اوياك يذبحني واخلّص من حياتي
عمري ريته لا يطول .. خل يسحكني الخيول
خل يسِحْگنّي الخيول .. عمري ريته لا يطول
العيشه بعدك مستحيله
وفاطــمه بنـتك عـليله
ياللّي ناوي عالرحيل
********************************
عمري ريتـه .. بــويـه بعدك .. ينتــهــي هــذا العــمر لا مـا أريـــده
أدعـي ربـــي .. يـــا إللـهـــي .. اخـذ روحـي ولا أضـل آنه وحيده
اشگد احبّك .. وانته تـدري .. شلون عنّي اتروح هالرحله البعيده
اشراح انادي .. بويه شحچي .. راح الوم ابگلبي واللوم اشيفيده
بعد ماعوف الأنين .. ابگلبي تدري اشگد حنين
ابگلبي تدري اشگد حنين .. بعد ماعوف الأنين
تره ما أملك وسيله
وفاطمه بنتك عليله
ياللّي ناوي عالرحيل
-----------------------
تمت والحمد لله
في ١٨/ ٩/ ٢٠١٥
حيدر تركي الكربلائي
رد مع اقتباس
المشاركة الأصلية كتبت بواسطة علي الشمري &
حياك ألله عاشت ألأيادي