شهرك الحسبته والله ما رغبته
بيك ابن محمد تنگطع ركبته
************
حيدر حيدر حيدر
**************
شهرك من اشوفه تبدي بيه خوفه
كلها يا ابو فاضل تنگطع جفوفه
*******************
طلعتك رزيه تجرح الزجيه
تنسبي سكينه تنسلب رقيه
*****************
من تهل فجيعة نذكر الشريعة
و بصدر إمامي ينذح رضيعه
****************
كل سنة نتحضر نستعدلك أكثر
و المشق ينادي يا علي يا حيدر
******************
من تهل نقاتل نضرب بسلاسل
يا علي ننادي نرفع المشاعل
****************
تنبني المنابر نلطم و نصابر
هامتي تأذن حي ع الشعائر
****************
حمرة بالعوالي نصبغ الليالي
من نجي نطبر يعني ما نبالي
********************
شهرك ابتديته بهالصدر دميته
كل شخص حسيني يصرخ بمنيته
***************
احنه ما يهمنه ما نزل علمنه
تركع البواتر لو صبغنه دمنه
******************
للشاعر عبد الخالق المحنه
*********************
طبعت بأنامل العبد المذنب علاء - 3laa
رد مع اقتباس
المشاركة الأصلية كتبت بواسطة ward45740
