هنا

[عباس الشمري النجفي]

عباس الفضل كله وجوده
وحسين السبط علّة وجوده
سهم الصوب اعيونه وجوده
كسر ضلعين للزهره الزجيه

_____________

الوكت دمعات زينب ..... مستحلهه
وجيش الحزن بالطف... مستحلهه
شتظن عباس يرجع ... مستحي إلهه
وبلاية الجود وجفوفة رميه

[عباس الشمري النجفي]

مصابي ما حصل مثله ولا جان
الصخر ميحمله لا انسٍ ولا جان
يليت الليل عقب حسين لا جان
ولا يطر الفجر واهلي رميه

[عباس الشمري النجفي]

يحادي الضعـن يم حسين ودنــــي

احط الراس يم الجســــــد ودنـــي

ذيـج الساع لو للموت ودنـــــــــي

بين اهل الشيم باالغاضريـــــــــه

[عباس الشمري النجفي]

كلمن كال مات حسين غلطان حسين بكل ضمير تعيش ذكراه يمر عاشور بينه وتسمع الصوت ابد والله ما ننسه حسيناه

[عباس الشمري النجفي]

الدهر عباس من بعدك لوانه ريت الفنى من كبلك لوانه الله وياك يالشايل لوانه والله عكبك من يشيل العلم ليه

[عباس الشمري النجفي]

ضلام الطف فلا يحجب سراياي اطب عالجيش وجفوفي سراياي اليطيح ايطيح واليبكه سره ياي واكو من الخوف يذبح روحه إليه

[عباس الشمري النجفي]

إعيوني إمن البجي ياناس كـفـّـــن على اللي جاد دون حسين كفيـّـــن إلك كفيــّــن يالعبـــــــاس كفـّـــــن ... كفو مـنـّك يبـــن حامي الحميـــــّه

[المرتحل]

رائع

[عباس الشمري النجفي]

مصاب إحسين أبد بالكون ياجــــد مشه إبدرب الشهاده وعرف ياجد صاح بصوت فتني العطش ياجـــد ... يراعي الحوض يالتسكي البريـــّه

[عباس الشمري النجفي]

اريد احجي بفكر صاحي وبدراي او اباشر بالدمع والهم وبدراي بدر هاي السما يزهي وبدراي صريع عالنهر بالغاضريه