لعيون الذين يعملون في شركات التمويل ألذاتي .....
حكومتنه ألرشيده أشلون يصفه ألحال ...
عن وضع ألصناعه وشغلة ألتمويل ...
منكم ماشفت لا عدل لا أنصاف ...
لأن ماكو زياده أبسلم ألتعديل ...
خيرات ألبلد توصل ألسابع جار ...
معقوله ألنفط ماعدنه بس برميل !!!
يستاهل شعبنه ألبسمه وألأفراح ...
مو هم وحزن ودموعه دوم أتسيل ...
عراقيين أحنه وشفنه كل ألظيم ...
وجروح ألزمان أهوايه بينه أتعيل ...
ملينه ألصبر خلوهه بالحسبان ...
ماريدن وعود البيهه بس تأجيل ...
لتگلي أبد بالذاتي راح أتعيش ...
خليني أعله مركز وأطلب ألتحويل ...
شنو نفع ألبلد مابي صناعه أتكون ...
هم عدكم أجابه ألهاي أو تعليل ...
مو بس ألصناعه أدمرت ياناس ...
لأن وضع ألزراعه أيريد أي تعليل ...
نبقه ألياوكت بس بالعذاب أنعيش ...
أنطونه ألجواز وگولوا حته أنشيل ...
=======================
ضياء ابو خالد ... واسط
=======================
15\10\2015
=======================
رد مع اقتباس
المشاركة الأصلية كتبت بواسطة sarah sona
مرورچ ألأروع أخيتي
