تعرف إشبيها --- إسمع حـچيها
هالأمه لا وين --- تاهت يابو الحسنين
إلحـگ عليها --- إسمع حـچيها
---------------------------------
ياعلي تاهت الامه --- والحديث يطول عنها
ريتك اتشاهد البيها --- وتستمع كل حرف منها
ياعلي وكل اليجيها --- يظهر المخفي إبعلنها
ومن مديح اللسن تعرف --- حته لو بدّل سننها
عالم مفكّر ينجعل
ظالم ينعتونه ابعدل
واشما يصرّح ينقبل --- حتّه لو حربه يشنها
التجهل الأسباب --- عنها الوعي غاب
عالذل مدّت چفّين --- اعله الطمع شبحت عين
الطمع عاميها --- اسمع حـچيها
----------------------------- 1
اعلينه يالجاي ابترافه --- هالحديث إسمعت عنّه
إتْحسْبه من عدنه تحدّي --- وهالحـچي تنزعج منّه
من تسولف بينه فكّر--- لاتوجـــه لــوم إلنــــــه
هذاحـگنه ومن نحصله --- لاتحسبه اعلينه مِنّه
حـچي الصراحه خل يعم
ومن عدنه لازم تفتهم
اتفرقنه لو رايد تلم --- لوجاي ابجيوبك تضمنه
كل اليجينه --- خل يفك عينه
خل يتبصّر ويشوف --- كل عمل بي مكشوف
الترضع ثديها --- إسمع حـچيها
------------------------------- 2
شوف ناس اشكثر گبلك --- لفت عالمطمع تخاطر
إشـگد لمسنه ومنّه شفنه --- الـچان بالأمه يغامر
إبمزبلة تاريخ تالي --- صار فرجه الـچان كاسر
لازم وللحـگ تطيعه --- واليضيْعَه العمره خاسر
لاهيبه يبقه ولا أمر
متظمّه قلعه ولا قصر
لوطفح من عدها صبر --- ما تلفّيه المقابر
الما سأل عنها --- اشينتظر منها
اليتماده ابظلم وجور --- بالحـگ اعليه إتثور
اشلون تاليها --- اسمع حـچيها
----------------------- 3
اليبتدع قانون جائر --- ويسلب النعمه من اهلها
همّه بس روحه وزمرته --- والئيادي الغير شلها
يبني ويشيّد قصوره --- منين هالثروه وصلها
ينهب إيزوّر حقائق --- الـچلمة الحـگ اعتقلها
بس همّه ذاته تنتفع
ياشرع يرضه ابهالوضع
مايدري وضعه من شمع --- يذوب بأفعاله اوخللها
أنظر الوضعه --- سوّاها سلعه
ماتنشره اوتنباع --- وكلشي من إئيده ضاع
واليرد ليها --- اسمع حـچيها
-------------------------- 4
ياعلي والبعض منها --- تجبي بسم الدين گامت
بسم شرع الله تفرهد --- ابحيله شرعيّه استطالت
صار سيل ايدر عليها --- وعن حقوق الناس نامت
المسأله والخلل بيمن --- بينه ياهالناس دامت
الصوچ بينه والخلل
انصدّگ ابكلشي وبالعجل
واللي يحاسبها اوسأل --- القيامه اعليه گامت
ابأمره مغامر --- ينحسب كافر
الماعدها كل تمكين --- إتضيّعه بسم الدين
هذا البديها --- اسمع حـچيها
------------------------- 5
ياعلي التاريخ يحـچي --- عنك ومنهو ابمثالك
انقسمت الامه يحيدر --- والوضع چان ابمنالك
بسم يادين اوشرايع --- نصّبت ياعلي ابدالك
انسلبت احـگوگك يحيدر --- وانته ساكت عالجرالك
سلبوا فدك ياابالحسن
والبضعه بآهات وشجن
كسروا ضلعها اهل الفتن --- تعاين وصارت اگبالك
إموصّه ياحيدر --- وعليهم تـگدر
حفنة رجس اشرار --- بالبضعه وبيك اشصار
تـگدر اعليها --- اسمع حـچيها
-----------------------------------6
المصيبة
--------------------
ارتحلت ام الحسن هضمه --- ونامت الدمعه ابجفنها
والضلع مكسور منها --- وهذا ماچان ابمضنها
البضعه بنت النبي الهادي --- ابيا سبب حربه يشنها
إتجسّر عليها ابيا صفه
اشوصّه بيها المصطفه
يمته يسلّه المرهفه
المنتظر ياخذ ابثاره --- ويـگـص روس اهل الضلاله
-------------------------------
منقول
رد مع اقتباس
