لطمية حسينية مكتوبه 2015 , لطمية حسينية , لطمية 2015 , عاشوراء 2015 , شعر شعبي حسيني
محرم هالكرب واهلاله لافينــه
يبن العسكري عينك علينـــــه
اندبك وارد احاجيك:::و اجدد كل بواجيك
يبن العسكري عينك علينــــــــــــــــــــه
ـــــــــــــــــــــــــ ـــــــــــــــــــــــــ ــــــــــــــــــــــ
يا من بلوتك بلوه ــــــــــــ كلبك ما خلص صبره
ادموع المحب تترجاك ـــــــــ وهيه تسجب العبره
شلون هلا ل المكدر ـــــــــــــ مثل رمضان بالطبره
بيه اشجم بطل معروف::حزت ركبته السيوف::والوادم هذيج اتشوف
لو نحجي على المكشوف ـــــــــــــــــــ من حركو صواوينه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
نهر العلقمي سدوه ــــــــــــــــ وكل الماي حاوينه
طفل ابن النبي عطشان ـــــــــــــ وبالنشاب ساكينه
جا كلي يبعد الروح ـــــــــــــــ عبدالله شجنه بدينه
حليب بالصدر يخله ::ما ظل للعذب هله::دمع العين ايهله
يريد الماي ما يلكه ــــــــــــــــــــ سدو كل درابينه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
يوم الغدرو العباس ــــــــــــــــ وصابو بالسهم جوده
وراسه بالعمد مهشوم ـــــــــــــ وكبله العين مسدوده
ظلت حايره الحوراء ـــــــــــــ بعد الكطعو ازنوده
وين اتروح ما تندل ::بعد الحيد المجلجل::اخوها الجان متكفل
بيها وبالحرم مهتم ــــــــــــــــــــ عم الطاهره اسكينه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
طلعت زينب اتنادي ـــــــــــــــ يبو فاضل يضي العين
يخويه حسين دليني ــــــــــــــــ درب المشرعه لوين
ردها وكصد للعدوان ــــــــــــــ من شاف العدى صوبين
كامت تطلب المظلوم:: ورفعت بيدها الميشوم::تعنه ويعرف المقسوم
وبالذر قاري المحتوم ــــــــــــــــــ ويعرف كل مضامينه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
ساعه ولن مهر مجبل ــــــــــــــ بدم حسين متخضب
فزعت هالنسه واطفال ــــــــــــــــ وصار الكون يتنحب
طلعت زينب وصاحت ــــــــــــــــ يمهر حسين يمجرب
أخوي الصار وياه::اخافن ذبحته اعداه::كالهه يويلاه
اخوج اموذره الاوداج ــــــــــــــــــ يزينب لا تنطرينه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ
لطميه بحر طويل//لخادم ال البيت//ابو رسول الشمري//
رد مع اقتباس
المشاركة الأصلية كتبت بواسطة وائل الواسطي
