كلمات للراقي كريم العراقي
***مغترب***
يا دنيا انتي الي حرمتيني من اهلي
وسكنت الغرب من غصبا عليه
ادك ياباب؟ واسال من عليكم
ضعف صبري وزماني خان بيه
شاوصفلكم غربتي؟؟؟؟
صدري مخنوك صوتي مبحوح
دفنتوني بغرب واتعالج الروح
غريب وكل غريب يتذكر اهله
انا لامي الحبيبه والدي الحبيب لاخواني احبابي اصحابي جيراني فيي البيوت
ترة من غيركم دنياي تابوت
وعذاب فراكم موت ومنية
هلي تذكرون الصبح وانتم تفطرون
هلي مكان الي احبه بعده موجود
حديقتنا بعدهة محملة ورود بعده صورتي تتوسط البيت
واغاني الي احبهة من الطفولة انا لناظم وللقبانجي حنيت
للمقهى القديمة وجاي ابو الهيل
ابوذياتنا مقاماتنا عتاباتنا وسحر الموواويل
بحضن دجلة الزوارق هايمة تطوف ونيران الشواطئ وسمج مسكوف
الله ينتقم منج يا ايام هلي الطيبين ضاعوا من ايديه
بيش اعوضهم ياربي وانا قلب الطفل قلبي
من يجي براسي هواهم يحرك ثياب الي عليه
اقرة ايات ودعائي حنن الغربة عليه
كل صوركم بجت يمي افرجهة ربي اشلون بيه
حقي لو اضعف شسوي الارض مو ارضي الناس مو ناسي
الجو مو جوي ايصير اذل نفسي انا واشكي لعدوي؟
وعشت بالغربة من غصبا عليه
ادك ياباب؟؟؟ واسال من؟؟؟ عليكم
ضعف صبري وزماني خان بيه
لكن ابقى واضل للموت انه عراقي وغصبا عليه
وارجعلك زحف ولو اخر نفس باقي بيه
________________
رد مع اقتباس