شعر شعبي محرم 2015 , شعر حسيني 2015 , قصيدة حسينية 2015
أنه الأمام المسلـــــوب
بدماي شيبي مخضوب
أنه اللي حزو ركبتـــي
أنه اللي هتكو حرمتـي
::::::::::::::::::::::::::
أنه أبن من رد الشمس لجله الجليل ونصراه
أنه أبن من مكه اطلكت بي وحرمها آواه
أنه أبن من علمه علا بعلم الرسول السراه
أنه أبن من هو الوصي بعد النبي الرباه
أنه أبن باء الفرقان:::أنه أبن سر الرحمان
وأنه اللي منا ثورتي:::أنه اللي هتكو حرمتي
:::::::::::::::::::::::::::::::::::::::::::::::::: :
أنه اللي بعيوني انظرت الاكبر عله الغبره وكع
وأنه اللي بس ليا يجي شفت المهر بي شصنع
وأنه اللي دمعي غسله ابني التكطع وانصرع
وأنه اللي عافيت الولد بالحومه بين اهل البدع
حين الوصل صوت اختي:::عفت الولد يا أمتي
أنه اللي عرضي عزوتي:::أنه اللي هتكو حرمتي
:::::::::::::::::::::::::::::::::::::::::::::::::: ::::::
أنه اللي جبت أبن الحسن حين انطبر بالميدان
وأنه اللي دويت الشمع وزينب تلم النسوان
وأنه اللي عزيت الأهل وصار اللطم بالصيوان
وأنه اللي مددته ابكتر ابني ونعيت الخوان
وأنه المشيت ابزفته:::وعمته العقيله حنته
وأنه اللي تنزف هامتي:::أنه اللي هتكو حرمتي
:::::::::::::::::::::::::::::::::::::::::::::::::: :::
وأنه واللي جانالي ظهر طاح وتكنطر عباس
وأنه اللي بجفوفه انغدر نعم الأخو ورفعت راس
وأنه اللي عرفيت الشهم ليث الحرب والنبراس
وأنه اللي ضاهدني السهم بعينه نبت يا هالناس
تصعب عليا محنته:::وي اللي هشم هامته
عافاني وحدي بغربتي:::أنه اللي هتكو حرمتي
:::::::::::::::::::::::::::::::::::::::::::::::::: :::
أنه اللي بجفوفي شلت ابني الرضيع ابمآزره
وأنه اللي نضريت السهم يسري ويصوب منحره
وأنه اللي حسيت بآلم وآهاتي تحجي الي جره
وأنه اللي عبدالله البدر فتت اكليبي وفطره
وأنه اللي نازعت اوياه:::بيوم السهم من صاباه
وأنه اللي صابو سلوتي:::أنه اللي هتكو حرمتي
:::::::::::::::::::::::::::::::::::::::::::::::::: :::
أنه الذي كلبه غده مثل الجمر بمصيبتي
وأنه اللي ضربوني بحجر وسال الدما من جبهتي
وأنه اللي صابوني بسهم مثلث مرد كل جبدتي
وأنه اللي حزو منحري من القفا يا شيعتي
وأنه الذي أسمع صوت:::لمن كرب مني الموت
شتمو أخيتي بحضرتي:::وأنه اللي هتكو حرمتي
:::::::::::::::::::::::::::::::::::::::::::::::::: ::::::
//خادم ال البيت//أبو رسول الشمري//شعلة الصدرين//
رد مع اقتباس
كلمات جميله عاشت ألأيادي
