هدية اخرى اقدمها لربات البيوت و (الضايجات) في هذا المنتدى الأغر .. .. من الان انتهى وقت الكآبة والملل و (اني ضايجة) بمواضيع الاعترافات ... لا مزيد من الفيس بوك وتغيير الصورة الشخصية كل خمس ثوان .. لا مزيد من المراهقين الذين يحاولون عبثا معرفة اسمك .. الان أحضرت لكن هدية قيمة للغاية تملأن بها وقت الفراغ .. و تستعدون بها لفصل الشتاء القادم .. ويستفيد منها أهلكم واقاربكم من موهبتكم الفذة الجديدة
نبدأ اذن درسنا ...أحم احم .. اول شي تطلعين للسوك .. تشترين فد اشياء مثل هذه. هذه بكرة الحياكة، اكيد شايفتها بكارتون توم وجيري
هذه الالة هم تشتريها من السوك .. بس مو عبالج قلم مال كالالكسي نوت
بعدين تسوين هييييييج للخيط
وتعكديها هيج شلون ما ادري
ثم تصنعين منه هكذا ها ها ها
ثم يصبح الأمر كـ (هوائي) التلفزيون القديم)
ثم تشترك جميع تلك الاقلام بطريقة ما
وتصنعين اولا ما يشبه طاسة الحمام
وتجيبين رجل اخوج تشوفيها على كد رجله لولا، اذا مقاس رجله مثل رجلي .. تحتاجين فد درزن بكرات يالة تكمل جاروبة وحدة
تنطلقين بالعمل بكل سرور اذا النتائج ايجابية
يبدي شكل الجاروبة يتضح شيئا فشيئا .. بس مو بالغلط تسويها كاسكيتة
اخر شي ..
واخيييييييرا نجحنا بعمل الجاروبة ..
بس هاي بس الفردة الاولى .. هسة حبابة همي ايدج عل الثانية .. مو مشتاقة للفيس بوك
رد مع اقتباس
المشاركة الأصلية كتبت بواسطة وآنا
