شعر شعبي عن محرم والسيدة زينب 2015 , عاشور , محرم 2015
كلمن يحبج من كلب ولسان
يضحي ابروحه لوتردين ينطيج
وكفتج بالطفوف ادروس بالوجدان
جم درس الاجانه بحاضرج ماظيج
ناديتي الاله وكلتي اخذ قربان
وبيوم الحشر هو الذي يناديج
حادي وصرتي بين الكوم سفان
ياهو الي كدر ذاك اليوم يحديج
وصفج ياوصف ماتوصفه العربان
صبر قوه وشجاعه وعزم يحذيج
كلامج زلزل أعلى الروس جالدان
من راد بكلامه ايزيد ياذيج
عكدتي اللسانه بين الناس حيران
غير من كلامه وراد يرضيج
تنكر عرف نفسه اليوم خسران
لجن يعرف انتي شبيج مابيج
مو عجبه الحقد الجد ابو سفيان
عمت عينه اليكرهج واليعاديج
وضحتي الحقيقه وصارت انه إحسان
هدايا أرواح هذا اليوم نهديج
وساجي الروح بالدمعه وصبر وحزان
وخلي الشعر سيف اليانذل يهجيج
يظل صوتج يدوي اباخر إنسان
وتظل شيعة علي يم عون تربيج
..................................
بيش امن البشر زينب وعده
اوياهو الي كدر يحمل وعده
بلاغه وحكمه تتكلم وعده
شجاعة حيدر وصبر الزجيه
عمي الغالي
الشاعر
سلمان جبوري
رد مع اقتباس
عاشت الأيادي حبيبي علي ألشمري 
المشاركة الأصلية كتبت بواسطة قمر الزمان$$
