غبشت ماي والدنيه سموم اطفوف
اونهار الله انكل كدام عيني افياي
بينك والشمس جانت مسافة شيب
افحط بينه الهوه ويبس لهات الراي
نزفت اخر متن لجان شايل سوط
وبعدني اتراوه طولك يابو فاظل جاي
اشرف حادي جان بغيبتك يحسين
ملامح للشتم مابي ملامح ناي
العطش اذن براسي وروحي فزت ريج
وصليت اعله نحرك كل صلاة الماي
فاولت الرمح من غبشت الله عيون
او ماشيت النواعي وكل زراك اكفاي
اريدن ماي كالو عدهه تطرد عين
وانه اشفاف زركه اوريج ضامي اوياي
ابيني اوبين نحرك جان صوت امتون
ومناشغ خيم وانه بطرك ملكاي
الهوه مسومر بريتي ونفسي ركضت خيل
ومدافع ضفاير والبواجي اهواي
ال الله اوياك تجوي وانه ما بياش
حيل او حته اكلك كون الله اوياي
للترف محمد النواس
رد مع اقتباس
المشاركة الأصلية كتبت بواسطة العراقي المرهف
